Naamu 2:10 - Baibo Busansulushi Bwa Libuku Ili

¹⁰ Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Naamu 2:10 ပူးပေါင်းရင်းမြစ်များ

Matalikilo 1:2

Ono cishi taaku mbocakalingaawo ceebo temwakalinga shintu. Kwakalingabo munshinshe peculu lya maanshi aanji. Mushimu wakwe Lesa wakalinga kweendeendabo peculu lya maanshi.

Kulumbaisha 22:14

Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.

Isaya 14:23

Musena uyo ndaakuwaalula kuba cilonga. Ulaakuba umo mweshi mukanookalabo bamwiina. Ndaakuupyanga acipyaango cakunyonyoola, Nebo neMwaami Lesa Shinkusu shoonse ndaamba.”

Isaya 21:3

Paceebo ceeci, shintu nshendakabona akunyumfwa shanenga boowa abuumbi. Mubili wangu waana kukucisa, kucisa kuli anga nkwa mwanakashi utooyanda kutumbuka. Ndatutuma kusheesho nsheenyumfwa. Ncakwiila nsheentoobona shapensha moyo wangu abuumbi.

Isaya 24:1

Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Jelemiya 30:6

Kutumana uyeeye. Sa musankwa inga watumbuka mwaana? Ino ceebonshi ndaboona musankwa uli woonse shinkusu kucatilila maansaakwe palifumo anga ngumwanakashi uli pankata? Ceebonshi shiwa shoonse shitooboneka kulisukama?

Jelemiya 49:23

Mwaami Lesa utokwaamba pandabala ya Damasikasi ayi, “Bene Amati abene Apadi bapenshekwa mumyoyo yabo ceebo banyumfwa makani abiibi. Balityongookite akupenga mumyoyo yabo bweenka mbuli maanshi a mulweenge atoomunibo.

Jelemiya 51:62

Kuswawaawo ukapaile ayi, ‘NoBaami baLesa, mwakaamba ayi mulaakunyonyoola musena uno akuulengesha ayi kubule muntu nabi munyama wikalaamo tubili. Sombi ayi ulaakuba matongo kwalyoonse alyoonse.’

Jelemiya 8:21

Ono bene misheesu mbobapwayoolwa, anebo ndapwayoolwa. Ndalila alimwi boowa bwancata.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 31:15

Mwaami Lesa Shinkusu shoonse waamba ayi, “Bushiku mbweshi cikaye kumusena wa bafu, ndaakucifwekelesha amaanshi a mutuntupu tulaamfu ayi ncitondesho cakulila. Ndaakushinka tulonga tuyaako akukasha maanshi aanji a ntuto kukunka. Pakuyuma cisamu ico, ndaakubika munshinshe ushiya mbi patulundu twa Lebanoni akulengesha shisamu sha muluundu shoonse kuyuma.

Danyelo 5:6

Ciwa ca mwaami cakasanduka kuboowa. Wakaloonda abuumbi cakwaamba ayi mumanungo mwakaboolabo tontolo.

Jowelo 2:6

Kucibonabo, bantu boonse baba aboowa. Ncakwiila ciwa ca muntu womwi awomwi caloka kuboowa.

Naamu 2:2

Mwaami Lesa uli pafwaafwi kubooshesha bene Isilaeli bulemu bweenka mbobwakalinga kalekale ciindi balwani babo kabatana kubasaala akunyonyoola minyansa yabo.

Naamu 3:7

Boonse beshi bakakuboone balaakukucica akwaamba ayi, ‘Ndabala ya Ninife yanyonyoolwa! Anu ngani weshi akeelileeko? Ngani weshi akasune kuyuumbulushaako?’ ”

Sefaniya 3:6

Mwaami Lesa waamba ayi, “Ndanyonyoola mishobo imwi ya bantu. Ndapwayoola shiyubilo shabo shiyumu. Ndashiya mikwakwa yabo kaayumwitebo, ee, taaku muntu nabi womwi wiindaamo. Ndanyonyoola mandabala abo. Taamu muntu nabi womwi wacaalaamo.

Joshuwa 2:11

Nditwakanyumfwa shikani ishi, soonse twakaloonda abuumbi ceebo ca ndimwe. Ncakwiila Mwaami Lesa, Lesa wanu, nguLesa wa kwiculu alimwi apacishi ca panshi.

Joshuwa 7:5

Bene Ai bakatandaanya bene Isilaeli kuswa paminjililo ya ndabala inene iyo akubashisha pamusena wakalinga kukabwa mabwe. Bakacaikwa kunkunamo ya kalundu, bakakumana mpashi 36. Mpeeke bene Isilaeli ndibakabona boobo, mushiso mwakaboolabo tontolo kuboowa.