Naamu 1:6 - Baibo Busansulushi Bwa Libuku Ili

⁶ Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Naamu 1:6 ပူးပေါင်းရင်းမြစ်များ

1 Baami 19:11

Mwaami Lesa wakamwaambila ayi, “Swa uye wiimikane kunembo lyangu peculu lya kalundu.” Lyalo Mwaami Lesa wakaya, weenda pafwaafwi anguwe akutuma muuwo ukali abuumbi uyo wakabaanya kalundu pakati akupasoola mabwe. Sombi Mwaami Lesa taakalinga mumuuwo. Muuwo wakacileka, mpeeke kwakaba citentanshi, sombi Mwaami Lesa taakalinga mucitentanshi.

Jobo 26:11

Macinko acatilila liculu alatenkaana ceebo ca bukali bwakwe Lesa.

Jobo 40:11

Langa beshikulisumpula, ubakalalile akubabombya.

Jobo 9:5

Ngootenkaanya tulundu cakubula kucenjesha alimwi ngoosandamuna tulundu mubukali bwakwe.

Kulumbaisha 130:3

NoBaami baLesa, nimwalinga kulemba shibiibi shesu cakutashifuta, anu ngani wakalinga kweelete kucaala kwakubula mulandu kuli ndimwe?

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Kulumbaisha 76:8

Mwakaambilisha boomboloshi bwanu kuswa kwiculu. Bamucishi ca panshi bakaloonda akuumunabo tontolo

Kulumbaisha 90:11

Anu ngani ushi nkusu sha bukali bwanu? Muntu uleendaawo kumuloonda na weshiba bukali bwanu mbobubete.

Isaya 10:16

Paceebo ceeco Mwaami Lesa, ee, Mwaami Lesa Shinkusu shoonse ulaakutuma bulwashi bucaya pakati ka bashilumamba ba muleli uyo. Lyalo kulisumpula kwakwe kulaakupya amulilo utashimiki.

Isaya 13:13

Ndaakulengesha liculu kututuma acalo cishi ca panshi cilaakutenkaanishikwaawo pamusena wa ncico. Pabushiku ubo nebo neMwaami Lesa Shinkusu shoonse ndaakuyubulula bukali bwangu buyoosha.

Isaya 27:4

Nebo nshikalaliteewo pamuunda uyo alimwi nimwalinga myuumfwa ashisonsoonya shitoonshinkilisha, naakwiinga ndeelwana akeembe kangu akwiitenta cakumaninina.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Malilo 2:3

Mubukali bwakwe buyoosha wakanyaya Isilaeli nkusu shoonse. Wakakaka kubacafwa balwani babo ndibakesa. Wakanyaka kubamulunyungu lwakwe Jakobo, bweenka bubilima mulilo utenta shintu shoonse shili pafwaafwi.

Malilo 2:4

Weeleka buta bwakwe bweenka mbuli mulwani. Ncakwiila lyaansa lyakwe lyalulyo lyalibambila. Wakamana kucaya bantu boonse balinga kutukonda bweenka bucita mulwani. Wakapukula bukali bwakwe anga ngumulilo pandabala inene ya Siyoni.

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.

Esekelo 21:31

Ndaakumupoomweta bukali bwangu buyoosha akumukalalila cabukali. Ndaakumwaaba kubantu beshilunkutwe abo beshi kabotu bwakunyonyoola.

Esekelo 30:16

Ndaakutenta cishi ca Ijipiti akushiya Pelusyumu mumapensho anene. Lubumbu lwa Tebesi lulaakumwayuluka Ndabala ya Memfisi ilaakunoolibo mubuumba lyoonse.

Esekelo 39:6

Ndaakutuma mulilo mucishi ca Magogu apabaabo bekala kwakubula cakulisukama muloombe lwa lweenge. Lyalo ndyeshi bakeshibe ayi nebo ndi Mwaami Lesa.

Esekelo 7:8

“ ‘Ono cakufwambaana ntoomulengesha kunyumfwa cilemeneshi coonse ca bukali bwangu. Ndaakumoombolosha kweelana amicito yanu akumupa mulandu pashintu shilensha bunya nshemwakacita.

Naamu 1:2

Lesa ngushibusuba alimwi ngushikuboosha cishole. Mwaami Lesa ulaboosha cishole alimwi ngumukali abuumbi. Mwaami Lesa ulaboosha cishole kubaabo bamupatite alimwi ulatolelela kukalala kubalwani bakwe.

Sefaniya 2:2

kacitana kushika ciindi cakasalwa, kamutana kunyana akufwa anga ndiluba, kabutana kwisa bukali bwa Mwaami Lesa pali ndimwe.

Malaki 3:2

Ono ngani eshi akakonshe kwiimikana mubukali bwakwe pabushiku bwakwisa kwakwe? Ino ngani eshi akakonshe kuba muumi aakuboneka? Mukwiinga ulaakuba anga ngusoopo utubya abuumbi nabi anga ngumulilo usungulula sheela.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Ciyubululo 16:1

Mpomunyaawo ndakanyumfwa liswi lyakoolobeshekwa kubaanjelo bosanwe abobilo kuswa muŊanda yakwe Lesa ayi, “Kamuya mukapukwite bukali bwakwe Lesa ubo buli mumbale shifongomene shosanwe ashobilo mucishi ca panshi!”

Ciyubululo 16:8

Lyalo alakwe munjelo wane wakapukwita shakalinga mumbale yakwe ifongomene palisuba. Mpomunyaawo lyakasuminishikwa kutenta bantu mukwiinga lyakalungula abuumbi.

Ciyubululo 6:17

Mukwinga bushiku bwa bukali bwabo buloondesha bwashikila, ino ngani weenga wacaalaawo?”