Naamu 1:15 - Baibo Busansulushi Bwa Libuku Ili

¹⁵ Amubone, shinkombe utoosa kucilingana tulundu ee, shinkombe utooleta makani abotu, utokwaambilisha shaluumuno! Mwebo nobene Juda kamuba anshiiku shanu shakusekelela akucita kweelana ambomwakashomesha cakulumbila. Bamucita shibi teshi bakamulwaneewo tubili ceebo balaakunyonyoolwa cakumaninina.

Naamu 1:15 ပူးပေါင်းရင်းမြစ်များ

Kulumbaisha 107:15

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Kulumbaisha 107:8

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Isaya 41:27

Sombi nebo neMwaami Lesa ndime mutaanshi kulwiita bene Siyoni cikani ico. Ndakatuma shinkombe mukulwiita bene Jelusalemu ayi, ‘Bantu bene mishaanu bali munshila! Ee, batooboola uko kumishaabo!’

Isaya 42:11

Oluyanga amandabala ako amumulumbaishe. Mwebo nobantu bene Keda amumulumbaishe! Amwebo momwikala mundabala inene ya Sela amoolobeshe ceebo cakusangalala ee, amoolobeshe peculu lya tulundu.

Isaya 52:1

Amubuke, Amubuke! Amubuke nobamundabala inene ya Siyoni! Amube ankusu mbuli kataanshi. Amufwale shakufwala shanu sha bulemu, nobamundabala ya Jelusalemu, ndabala inene isalalite. Balya bakunsengwe batapalwitwe teshi bakenjilewo tubili mundabala yanu.

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Bene Lefi 23:2

“Lwiita bene Isilaeli ayi ishi nshenshiku shakusekelela nshendasala nebo neMwaami Lesa isho nshebeelete kubungana ayi banambile.

Bene Lefi 23:4

“Ono nshiku shakusekelela nsheshi mukaambilishe pashiindi sheelete, nsheeshi.

Naamu 1:14

Mwebo nobene Asilya, Mwaami Lesa wapa mulasho pali ndimwe ayi, “Teshi mukabeewo abamulunyungu abo beshi bakanokwiitwa meena anu. Ndaakunyonyoola shikoshanyo shakubesa ashibumbwabumbwa isho shili mumaanda akulambililaamo balesa banu. Ndaakubamba cuumbwe canu mukwiinga tamweelete kunoocili boomi.”

Luka 2:10

Munjelo wakabaambila ayi, “Mutaloondi mukwiinga ndaleta makani abotu eshi akasangalashe bantu boonse.

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Bene Loma 10:15

Inga bashimikila buyani na Lesa wabula kubatuma. Bweenka bwaamba Malembo akwe Lesa ayi, “Cilabota abuumbi na besa beshikushimikila Makani Abotu.”