Milimo ya Batumwi 2:2 - Baibo Busansulushi Bwa Libuku Ili

² Mpomunyaawo bakanyumfwa coongo cakuba anga ncipuupu kuswa kwiculu akususha ŋanda yoonse njebakalingaamo.

Milimo ya Batumwi 2:2 ပူးပေါင်းရင်းမြစ်များ

1 Baami 19:11

Mwaami Lesa wakamwaambila ayi, “Swa uye wiimikane kunembo lyangu peculu lya kalundu.” Lyalo Mwaami Lesa wakaya, weenda pafwaafwi anguwe akutuma muuwo ukali abuumbi uyo wakabaanya kalundu pakati akupasoola mabwe. Sombi Mwaami Lesa taakalinga mumuuwo. Muuwo wakacileka, mpeeke kwakaba citentanshi, sombi Mwaami Lesa taakalinga mucitentanshi.

Kulumbaisha 18:10

Wakalinga kuya buuluka kaatantite pamukelebu. Cipuupu cakalinga ngomapapaminwa akuulukishaako.

Lwiimbo lwakwe Solomoni 4:16

Pupa omuuwo wakumatwa awebo omuuwo wakumalenge! Amupuupile pamuunda wangu, kwaamba ayi bweema bubotu buyebo cishi coonse. Usunikwi wangu eese kumuunda wakwe akulya shisepo shiswa muli nguwo shiindaawo kubota.

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Luka 2:13

Paciindi ceenka ico kwakaboneka baanjelo baanji baanji ba kwiculu pantu pomwi amunjelo ulya, kabalumbaisha Lesa kabaamba ayi,

Joni 3:8

Muuwo ulapupila kuli koonse nkoosuni alimwi mulanyumfwa koopupa, sombi tamwishibi nkowaswita nabi nkootooya. Mbweeke ubo mbocibete kumuntu woonse washalwa kuMushimu Usalashi.”

Milimo ya Batumwi 2:3

Lyalo bakabona shimwi shakalinga kuboneka anga njimilaka ya mulilo iyo yakaya mukwikala pali womwi awomwi.

Milimo ya Batumwi 2:6

Ndibakanyumfwa ciyobeyobe ici, bantu baanji baanji bakabungana. Boonse bakakankamana abuumbi ceebo womwi awomwi wakanyumfwa bashomi kabaamba mumulaka wakwe mwiine.

Milimo ya Batumwi 4:31

Ndibakamana kupaila, pamusena apo mpobakalinga kubungene pakatenkaanishikwa. Lyalo boonse bakesushikwa Mushimu Usalashi akutalika kushimikila maswi akwe Lesa cakubula boowa.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.