Mika 7:9 - Baibo Busansulushi Bwa Libuku Ili

⁹ Ceebo cakwaamba ayi twakabishisha Mwaami Lesa, tulyeelete kunyumfwa bukali bwakwe paciindi cino. Sombi ulaakwisa mukutufuna akutucitila ciluleme mushintu nshetwakabishilwa. Lyalo ulaakutuboosha mumumuni. Ncakwiila lupulusho lwakwe tulaakulubona ameenso esu.

Mika 7:9 ပူးပေါင်းရင်းမြစ်များ

2 Samwelo 24:17

Ono Defedi ndyaakabona munjelo uyo wakalinga kunyonyoola bantu, wakaambila Mwaami Lesa ayi, “Ndime ndakabisha. Ino balo bacitanshi? Nebo abamuŋanda yangu ndiswe twakalinga kweelete kupekwa mulandu.”

Jobo 23:10

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.

Jobo 35:14

Ino webo inga wakunyumfwila buyani na utokwaamba ayi toomuboniiwo? Mulandu wako ulishikite kale kuli nguwe, aboobo kolindililabo webo.

Kulumbaisha 119:154

Amunjimikanine pamulandu wangu akundubula. Amumpe buumi bupya kweelana ambomwakashomesha.

Kulumbaisha 37:6

Ncakwiila ulaakulengesha bululami bwako kuboneka patuba, bulaakubonekesha bweenka mbuli lisuba mbolibala.

Kulumbaisha 43:1

NobaLesa amutondeshe ayi nebo nshicite mulandu. Amumfuninineeko mucikani ici kumushobo uyu wa bakunsengwe. Amumfuune kuswa kubantu babeshi alimwi bamucita shibi.

Kulumbaisha 7:6

NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

Kulumbaisha 94:15

Bululami bulaakucanika munkuta alimwi. Baluleme boonse balaakubukonkela.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 42:7

Ndakusala kwaamba ayi ulengeshe boofu kubona, kwaangulula bakaili bali muntolongo alimwi akukusha baabo bali mumunshinshe.

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Isaya 56:1

Mwaami Lesa utokwaambila bantu bakwe ayi, “Kamoombolosha cakutanyengelela akucita shiluleme ceebo ndipafwaafwi kumupulusha. Bululami bwangu buli pafwaafwi kuyubululwa.

Jelemiya 10:19

Bene Jelusalemu bakumbula ayi, “Mapensho kuli ndiswe ceebo ca shilonda shesu. Ncakwiila ceebo ca shilonda shesu shitatoomanaawo. Twakalinga kuyeeya ayi inga twakonsha kuliyuminisha.

Jelemiya 14:7

“Bantu bangu batoondilila ayi ‘NoBaami baLesa, nabi shibiibi shesu shitootushinina, amutucafweeko ceebo ca liina lyanu. Twakamufutatila mankanda aanji, ncakwiila twakamubishisha abuumbi.

Jelemiya 51:10

Bene Isilaeli bakaamba ayi, “Mwaami Lesa watula patuba kululama kwesu, amwise tuye twaambilishe muSiyoni isho Mwaami Lesa, Lesa wesu nshaatucitila.”

Malilo 1:18

“Mwaami Lesa uliluleme nakubi kwaamba ayi ndakaashukila milawo yakwe. Amunyumfwe mwebo noonse nobantu. Amunaange, mubone mapensho angu. Bacikula bwangu abamyooye bangu batolwa mubusha.

Bene Lefi 26:41

kunengesha ayi mbafutatile alimwi akubatuma mukwikala mucishi ca balwani babo. Ono kunembo na bamulunyungu lwanu bakaboneshekwe kubisha kwabo, akulipila pamulandu wabo,

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

1 Samwelo 24:15

Ncakwiila Mwaami Lesa aatoomboloshe nguwe kubona ulubite pakati kesu. Aalangelange cikani cangu akutondesha ayi ndiluleme mukumfuna kuswa mumaansaanu.”

1 Samwelo 25:39

Lyalo Defedi ndyaakanyumfwa ayi Nabali wakafwa, wakaamba ayi, “Aalumbwe Mwaami Lesa uyo waboosha cishole kuli Nabali ceebo cakutananga kabotu. Wanciba nebo nemusebenshi wakwe ayi ntaciti cibiibi akubooshela Nabali cibiibi cakwe.” Mpeeke Defedi wakatuma basankwa bakwe ayi bamwiipushisheko kuli Abigelo shakweeba.

1 Samwelo 26:10

Mpeeke wakaamba ayi, “Ncakwiila bweenka mbocibete lushinisho ayi Mwaami Lesa ngumuumi, Mwaami Lesa mwiine ulaakumutondesha bukali. Bumwi bushiku ciindi cakwe cakufwa lufu ŋanda cilaakushikila nabi ulaakuya mukufwita kunkondo.

1 Samwelo 3:18

Aboobo Samwelo wakamulwiita shoonse cakutashisaawo nabi paniini. Mpomunyaawo Eli wakaamba ayi, “NgoMwaami Lesa, aacite cili coonse ncaasuni kucita.”