Mika 7:19 - Baibo Busansulushi Bwa Libuku Ili

¹⁹ Mulaakutunyumfwila nkumbu alimwi. Mulaakulyata shibiibi shesu amyeendo yanu akuwaala shilubo shesu panshi peene palweenge.

Mika 7:19 ပူးပေါင်းရင်းမြစ်များ

2 Samwelo 24:14

Mpomunyaawo Defedi wakaamba ayi, “Nebo ndi mumapensho anene abuumbi. Ono inga cabota kwaabwa mumaansa a Mwaami Lesa mukwiinga ngushinkumbu, kwiinda kwaabwa mumaansa a bantu.”

Kulumbaisha 103:12

Bweenka mbuli kumbo akwicwe mbokutalamukene, mbweeke ubo shibiibi shesu mbwaashitalamusha kuswa kuli ndiswe.

Kulumbaisha 130:8

Lakwe ngweshi akalubule bene Isilaeli kuswa kushibiibi shabo shoonse.

Kulumbaisha 85:3

Mwakashisa bukali bwanu boonse Mwakakasha bukali bwanu bwiindaawo.

Isaya 33:24

Lyalo mundabala ya Siyoni teshi mukanyumfwikewo mulwashi. Shibiibi sha baabo bekala mundabala iyo, shilaakulekelelwa.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Jelemiya 33:8

Ndaakubasalasha kuswa kushibiibi isho nshebakambishila. Ncakwiila ndaakulekelela shibiibi shabo alimwi abwaashu bwabo.

Jelemiya 50:20

Ciindi ico caakushikila, milandu ilaakuyandoolwa kubene Isilaeli, sombi teshi ikacanikeewo. Shibiibi shilaakuyandoolwa kubene Juda, sombi taaku nabi comwi ceshi cikacanikeewo ceebo ndaakulekelela baabo mbweshi nkashiyeewo kutabacaya. Nebo neMwaami Lesa ndaamba.”

Malilo 3:22

Ceebo ca lusuno lwa Mwaami Lesa lutamaani, teshi tukalobeewo mukwiinga lakwe lusuno lwakwe ndwamuyayaya.

Malilo 3:32

Nakubi kwaamba ayi waleta mapensho, pesule ulaakufwa nkumbu ceebo lusuno lwakwe lutamaani ndunene.

Esekelo 18:22

Shibiibi shakwe shoonse shilaakulekelelwa alimwi ulaakuba abuumi ceebo cakucita shintu shiluleme.

Esekelo 39:29

Teshi nkabafutatilewo tubili ceebo ndaakutila Mushimu wangu pabene Isilaeli. Nebo neMwaami Lesa Shinkusu shoonse ndaamba.”

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Osiya 14:4

Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Sekaliya 3:4

Mpeeke munjelo uyo wakaambila bamwi bakalinga kwiimfwi kunembo lyakwe ayi, “Amumufuule shakufwala shakwe shishipite.” Lyalo wakaambila Joshuwa ayi, “Bona ndakusha shibiibi shako, ono ntookufwalika shakufwala shamakwebo.”

Bene Loma 6:14

Nkokwaamba ayi tamweelete kusuminisha bubi ayi bumweendeleshe ceebo ceendelesha buumi bwanu teshi Milawo, sombi nduse lwakwe Lesa.

Bene Loma 8:13

Ceebo na kamwikala kweelana abuyanda mibili yanu mulaakufwa. Sombi na kwiinda muMushimu Usalashi mwacilekela limwi shoonse shibiibi nshemucita, mulaakuba abuumi butamaani.

Dutolonomi 30:3

lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 8:12

Ndaakulekelela bubi bwabo, alimwi shibiibi shabo teshi nkashiibalukeewo.’ ”

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.