Mika 7:18 - Baibo Busansulushi Bwa Libuku Ili

¹⁸ Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Mika 7:18 ပူးပေါင်းရင်းမြစ်များ

Matalikilo 4:7

Necalinga cakwaamba ayi wacita cintu ciluleme naakwiinga walinga kusangalete. Ono ceebo cakwaamba ayi wacita citaluleme, cibiibi citookupensha mumoyo. Citooyanda kwaamba ayi cikweendeleshe sombi ulyeelete kucikoma.”

1 Baami 8:23

wapaila ayi, “NoBaami baLesa, baLesa ba bene Isilaeli, taaku lesa uli mbuli ndimwe mwiculu nabi pacishi ca panshi! Mwebo mulacita kweelana acipangano ncemwapanga abantu banu, akubabonesha lusuno lwanu na bekala mukunyumfwila ndimwe camoyo woonse.

2 Makani 30:9

Na muboole kuMwaami Lesa, abo bakatola bamakwabanu busha balaakubanyumfwila nkumbu akubaleka ayi baboolele kumishaabo. Mwaami Lesa ngushinkumbu alimwi ulicite luse. Na muboole kuli nguwe, ncakwiila utoomutambula.”

2 Makani 6:21

Kamunyumfwila mipailo yangu aya bantu banu bene Isilaeli na balanga kuŊanda yanu pakupaila. Amutukutike kwiculu uko nkomwikala akutulekelela shibiibi shesu.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Kulumbaisha 130:4

Sombi mwebo mulalekelela shibiibi shesu, paceebo ceeci swebo tulamulemeka abuumbi.

Kulumbaisha 35:10

Ndaakwaamba camoyo woonse ayi, “NoBaami baLesa, anu ngani uli anga ndimwe? Ee, mwebo nomupulusha ulefukite kubaabo mbaatakoonshi kukoma. Ncakwiila mwebo mulapulusha bapenshi kubaabo babalyatilila.”

Kulumbaisha 65:3

Shibiibi shesu ndishitukoma mwebo mulashilekelela.

Kulumbaisha 65:4

Balicite coolwe abo mbomwakasala, abo mbomwakaleta ayi bekale mumusena wanu usalalite. Tulaakukuta kushintu shibotu sha muŋanda yanu, ncakwiila shoolwe shamuŊanda yanu isalalite.

Kulumbaisha 71:19

Bululami bwanu nobaLesa bulashika akwiculu. Mwakacita shintu shinene abuumbi. Taaku uli mbuli ndimwe nobaLesa.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Kulumbaisha 89:6

Taaku uli mwiculu weenga weelana amwebo noBaami baLesa, taaku cilengwa ca kwiculu cili coonse ceenga ceelana amwebo.

Kulumbaisha 89:8

NoBaami baLesa Beshinkusu shoonse, anu ngani uli anga ndimwe? Mwebo muli beshinkusu alimwi mulashomeka mushintu shoonse.

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 33:24

Lyalo mundabala ya Siyoni teshi mukanyumfwikewo mulwashi. Shibiibi sha baabo bekala mundabala iyo, shilaakulekelelwa.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Isaya 40:18

Anu ono Mwaami Lesa inga mwamweelanisha ani? Ncikoshanyonshi nceenga mwamweelanika ancico?

Isaya 40:25

Usalalite waamba ayi, “Anu nebo inga mwanjelanisha ani? Anu ngani uli mbuli ndime?

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Isaya 57:10

Isho nshemucita shilamulemya, sombi taaku ndyemusuminaawo ayi taaku mboshibete. Mulayeeya ayi balesa banu balamupa nkusu, aboobo tamulefukiiwo.

Isaya 57:16

Teshi nkatolelele kumupa milandu nabi kunoopulwita bukali pali ndimwe. Na ndatolelela, bantu inga bafwa. Ee, inga bafwa bantu abo nebo nemwiine mbondakalenga.

Isaya 62:5

Bweenka musankwa cikula bwangu mbwaaeba mwanakashi mooye, mbweeke ubo alakwe Mwaami Lesa mbweshi akakweebe. Bweenka shibwiinga mbwaasangalala pali nabwiinga wakwe, mbweeke ubo alakwe Mwaami Lesa mbweshi akanoosangalala pali ndiwe.

Isaya 64:9

NoBaami baLesa mutakalalilibo limwi pali ndiswe cakutabooshamo myoyo. Muteebaluki shibiibi shesu kwamuyayaya mukwiinga soonse tuli bantu banu.

Isaya 65:19

Ndabala ya Jelusalemu ilaakunoonsangalasha alimwi bantu bangu ndaakubasuna abuumbi. Mundabala iyo teshi mukanyumfwikeewo utoolila buumpute nabi mubila.

Jelemiya 3:12

Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.

Jelemiya 3:5

Sa munanookalalitebo lyoonse? Sa bukali bwanu teshi bukamaneewo?’ Mbomutookwaamba ubo mwebo, sombi namwaambi boobo, mucitolelela kubisha.”

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Jelemiya 32:41

Anebo ndaakunoosangalete amoyo wangu woonse pakubacitila shintu shibotu akubekalika mucishi cino kwanshiku shoonse.”

Jelemiya 33:8

Ndaakubasalasha kuswa kushibiibi isho nshebakambishila. Ncakwiila ndaakulekelela shibiibi shabo alimwi abwaashu bwabo.

Jelemiya 38:8

Ebedimeleki wakamweendela akuya mukumulwiita ayi,

Jelemiya 50:20

Ciindi ico caakushikila, milandu ilaakuyandoolwa kubene Isilaeli, sombi teshi ikacanikeewo. Shibiibi shilaakuyandoolwa kubene Juda, sombi taaku nabi comwi ceshi cikacanikeewo ceebo ndaakulekelela baabo mbweshi nkashiyeewo kutabacaya. Nebo neMwaami Lesa ndaamba.”

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Esekelo 18:23

Nebo neMwaami Lesa ndeepusha ayi, ‘Sa nebo ndasangalala kubona mucita shibi kaafwa? Sobwe, ndasangalala kumubona kaasanduka kuswa kunshila shakwe shibiibi akuba abuumi.’

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 33:16

Shibiibi shakwe shoonse nshaakacita teshi shikeebalukwewo tubili ceebo wacita shintu shakutanyengelela alimwi shiluleme. Ndushinisho muntu uyo ulaakuba abuumi.

Danyelo 9:9

Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Jowelo 2:32

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa bweenka bwakaamba Mwaami Lesa ayi, ‘Bamwi paKalundu ka Siyoni amundabala ya Jelusalemu, balaakupulushikwa. Nkokwaamba ayi abo mbweshi nkasaale, balaakucaalaawo.’ ”

Amosi 1:11

Mwaami Lesa waamba ayi, “Bene Edomu bakalinga kubisha lyobilo lyobilo, aboobo ndushinisho ndaakubapa mulandu. Bakatandaanya bamakwababo, bene Isilaeli amupeeni cakubula kubanyumfwila nkumbu. Bukali bwabo bwakafula, ee, bwakafula cakwaamba ayi bakaalilwa kulicata.

Amosi 7:8

Lyalo Mwaami Lesa wakanjipusha ayi, “Amosi, wabonanshi?” Nebo ndakakumbula ayi, “Ndabona ntambo yakuyakisha.” Mpeeke wakaamba ayi, “Ntoosebensesha ntambo iyi kubonesha bantu bangu ayi bali anga ndubumbu lusendeme. Nebo teshi nkabooshemo moyo alimwi pashakubapa mulandu.

Amosi 8:2

Mwaami Lesa wakanjipusha ayi, “Amosi, wabonanshi?” Ndakakumbula ayi, “Ndabona mutaanga uswite shisepo shipite.” Mpeeke Mwaami Lesa wakandwiita ayi, “Ciindi cashikila cakwaamba ayi bantu bangu bene Isilaeli bakapekwe mulandu. Nebo teshi nkabooshemo moyo alimwi pashakubapa mulandu.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Mika 2:12

“Nobamulunyungu lwakwe Jakobo ncakwiila ndaakumuyobolola noonse. Ndaakuyobolola bene Isilaeli bakacaala boonse. Ndaakubabunganya anga nimbelele mucimpati, ee, anga nditanga kumafulo a ndilyo. Musena uyo ulaakwisula bantu.”

Mika 4:7

Balema abo ndaakubalengesha kuba bantu bangu. Ncakwiila abo bakakushikwa kumishaabo, ndaakubalengesha kuba mushobo uyumu. Nebo neMwaami Lesa ndaakunoobalela paKalundu ka Siyoni, kuswa bushiku ubo tibili amuyayaya.”

Mika 5:3

Mwaami Lesa ulaakusuula bene Isilaeli, kushikila muleli uyo akashalwe alimwi kushikila bamakwabo abo bali mubusha bakaboole pakati ka bene Isilaelinyinaabo.

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Shakubelenga 23:21

Taaku mapensho kubamulunyungu lwakwe Jakobo, taaku makatasho kubene Isilaeli. Mwaami Lesa, Lesa wabo uli ambabo, abalo beene baloolobesha ayi nguMwaami wabo.

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Bene Loma 11:4

Sombi Lesa wakakumbula ayi, “Ndilamite basankwa bali shuulu shosanwe ashobilo abo batana kulambilawo Baali, lesa wakubumba.”

Dutolonomi 33:26

Nobene Isilaeli, taaku lesa umwi uli anga nguLesa wanu, uyo weendeenda mwiculu mubulemu bwakwe, uleendeenda mumakumbi ayi amucaafwe.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.