Mika 7:1 - Baibo Busansulushi Bwa Libuku Ili

¹ Mbondapenga nebo nemucaangu! Ndababo anga ngumuntu uya cibweselela shisepo shakacaala mumuunda. Sombi taaku cisankata ca minyansa nabi comwi cakacaalaamo cakwaamba ayi inga ndalya, nabibo nkuyu isho nsheensuni abuumbi.

Mika 7:1 ပူးပေါင်းရင်းမြစ်များ

Kulumbaisha 120:5

Mapensho kuli ndime ceebo ndishiite pakati ka bantu bali anga mba kuMesheki ncakwiila anga ndishiite pakati ka bene Keda.

Tushimpi 20:6

Baanji bantu balalyaamba kushomeka, ono ngani weenga wacana ushomeka calushinisho?

Isaya 17:6

Ncakwiila mbaniinibo beshi bakapuluke. Lyalo cishi ca Isilaeli cilaakubabo anga ncisamu ca maolifi cayapwa maolifi oonse kulekabo obilo nabi otatwe eenga kaali peculu peene nabi aniini eenga kaali kumisampi ya muunshi bunene. Nebo neMwaami Lesa, Lesa wa bene Isilaeli ndaamba.”

Isaya 24:13

Mbweeke ubo mbweshi cikabe kumushobo womwi awomwi mucishi coonse ca panshi. Cilaakuba bweenka mbociba kushisamu sha maolifi na maolifi aloshekwaako ayalo minyansa yoonse yayapwaako kushisamu sha njiyo.

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 28:4

Bulemu bwabo ubo butooya cimanabo anga ngumubala wa liluba litooya bunyana, abwa ndabala ya Samaliya ilya ili mucinyika ca mboleshi bulaakumaninabo limwi bweenka mbuli nkuyu shitaanguna kupya mboshilikwa pakumanabo kushiyapa.

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Jelemiya 15:10

Maawe mbondapengaako nebo! Anu bama bakanshalilanshi? Nebo ndishikwaambana akupikishikwabo abantu boonse bamucishi! Nshina kukweleteshawo kale nabi kukweletaawo kumuntu, nakubi boobo muntu womwi awomwi ulanshingana.

Jelemiya 24:2

Umwi mutaanga wakalinga kucite nkuyu shibotu abuumbi, bweenka mbuli sheshilya shitaanguna kupya. Umwi wakalinga kucite shibiibi cakwaamba ayi inga tashilikwiiwo akulikwa.

Jelemiya 4:31

Ntoonyumfwa mubila anga ngumwanakashi uli pankata. Ntoonyumfwa kutongela anga nkwa mwanakashi utootumbuka mwaana wakwiiya. Anu kwakalinga nkulila kwa ndabala ya Jelusalemu itoofoomashika akusenga lucafwo mukwaamba ayi, “Maawe ndawisuka, buumi bwangu bwaabwa mumaansa a bacayi!”

Jelemiya 45:3

webo utokwaamba ayi, ‘Mapensho kuli ndime! Mwaami Lesa wanungawo buumba pamapensho angu. Kutongela kwankopola alimwi nshintokookeshaawo napaceyi!’

Jelemiya 5:1

“Amwiindaane mumikwakwa ya muJelusalemu. Mucenceente akubona. Mulangoole mumansa sha njiyo. Na mucane muntu nabi womwi ushomeka alimwi uyandoola lushinisho, ngayi ntoolekelela ndabala ya Jelusalemu.

Osiya 9:10

Mwaami Lesa waamba ayi, “Ndindakacanabo bene Isilaeli, cakaba anga nkucana munyansa utoomena muluyanga. Ndindakabona bamashali babo bakulukulu, cakaba anga nkucana nkuyu shakusoma kucisamu ca nshisho. Sombi ndibakashika kuKalundu ka Baali Peoli, bakatalika kulambila shibumbwabumbwa. Mpeeke bakatalika kunensha bunya anga mbalesa abo beenka mbobakalinga kusuni.

Shakubelenga 18:13

Shoonse shakulya nshebataanguna kutebula mucishi isho nshebapa ndime neMwaami Lesa, shilaakuba shaanu. Woonse muntu uli muŋanda yanu uyo usalalite kweelana aMilawo inga walyaako.