Mika 6:6 - Baibo Busansulushi Bwa Libuku Ili

⁶ Ino nebo nciinshi nceshi ntole kuMwaami Lesa, Lesa wakwiculu pakuya mukufukama akulambila kunembo lyakwe? Sa ntole milambu yakutenta ya boombe bacite mwaaka womwi?

Mika 6:6 ပူးပေါင်းရင်းမြစ်များ

2 Samwelo 21:3

Lyalo Defedi wakabeepusha ayi, “Ino inga ndamucitilanshi? Ntooyanda kusonsola cilubo cakacita Saulo kuli ndimwe kwaamba ayi mwebo musengele coolwe bantu ba Mwaami Lesa.”

Kulumbaisha 116:12

Anu Mwaami Lesa nebo inga ndamupanshi pashintu shibotu shoonse ishi nshancitila?

Kulumbaisha 22:29

Balisumpula boonse balaakufukama pameenso akwe. Muntu woonse uboola kubulongo, ulaakufukama kunembo lyakwe. Nkokwaamba ayi uyo woonse weenga taalilamini buumi.

Kulumbaisha 95:2

Atuye pameenso akwe akulumba, atwiimbe nyimbo shakulumbaisha akulisha shilimba.

Kulumbaisha 95:6

Kamwisa tumulambile cakushisha shiwa panshi. Atufukame pameenso a Mwaami Lesa uyo wakatulenga,

Kulonga 12:5

Mulakonsha kusala mwanaambelele nabi mwanaampongo, sombi ulyeelete kuba mucende wa mwaaka womwi alimwi utacite kampenda.

Kulonga 23:15

Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Isaya 40:16

Shisamu sha kuLebanoni shaceyabo kulaale kuba nkuni sha pacipaililo cakwe. Abalo banyama baliimo baceyabo kulaale kubenga milambu yakutenta kuli nguwe.

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Esekelo 46:9

“Bantu na besa mukulambila Mwaami Lesa pakusekelela kuli koonse, abo beshi bakanoonjilila kumwinjililo wakumatwa, balyeelete kuswita kumwinjililo wakumalenge pakumanisha kulambila. Abalo abo beshi bakanoonjilila kumwinjililo wakumalenge, balyeelete kuswita kumwinjililo wakumatwa. Taaku muntu nabi womwi weshi akanooswita kumwinjililo uyo ngweenjililaako. Sombi ulyeelete kuswita kumwinjililo umwi.

Danyelo 3:26

Kuswawaawo Nebukadinesa wakasena pamulyango wa munyumbi akwiita ayi, “Shadileki, Mishaki, Abedinego, nobasebenshi ba Mwaami Lesa wa kwiculu Wiindaawo, amuswe!” Lyalo bakaswa ciindi ceenka ico.

Danyelo 4:9

“Beloteshasa omunene wa basongo boonse, ndishi ayi mushimu wa balesa basalalite uli muli ndiwe alimwi ayi uleshiba shishisitwe shoonse. Ciloto cangu nceeci, ndwiite mbocaamba.

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Danyelo 5:21

Kuswawaawo bakabatandaanya kuswa pakati ka bantu alimwi maano abo akasanduka kuba abunyama. Bakekala ambongolo sha muluundu akunoolya bwiisu anga niŋombe alimwi mume kuswa kwiculu wakalinga kubatontosha. Kuswawaawo bakasumina ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Osiya 5:6

Baakuya mukubenga mbelele aŋombe shabo kuli ndime neMwaami Lesa, teshi bakancaneewo ceebo ndalikushaawo pakati kabo.

Amosi 5:22

Nabi mukandetele milambu yakutenta, kubikaawo ashipo shanu sha fulaulo, teshi nkashitambuleewo. Nabi mukandetele milambu ya bwanabwankashi ili buyani, teshi nkeetambuleewo, sobwe.

Mateyo 19:16

Mpeeke umwi musankwa wakesa kuli Jesu akwiipusha ayi, “NoBafundishi, anu ncintunshi cibotu nceenjelete kucita kwaamba ayi nkabe abuumi butamaani?”

Maako 12:33

Paceebo ceeco, kusuna Lesa amoyo woonse, amiyeeyo yoonse, ankusu shoonse alimwi akusuna mubyo bweenka mbuli mboolisuni omwiine, kukonkela milawo iyi yobilo, ncibotu abuumbi kwiinda kutola shipo shakutenta nabi shipo shimwi shoonse kuli Lesa.”

Maako 5:7

Wakoolobesha aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndaseenga muliina lyakwe Lesa ayi utampenshi.”

Luka 10:25

Kuswawaawo kwakesa mufundishi wa Milawo wakasunka Jesu akumwiipusha ayi, “NoBafundishi, ndyeelete kucitanshi kwaamba ayi nkabe abuumi butamaani?”

Joni 6:26

Jesu wakakumbula ayi, “Ntoomulwiita calushinisho ayi tamutoonangoola ceebo mwakabona shaankamiko shindakacita, sombi mukwiinga mwakalya shinkwa akukuta.

Milimo ya Batumwi 16:17

Uyu mwanakashi wakalinga kwisa cikonkela Paulo aswebo, kaaolobesha ayi, “Aba basankwa mbasebenshi bakwe Lesa wa kwiculu Wiindaawo! Batooshimikila mbweenga mwapulushikwa.”

Milimo ya Batumwi 16:30

Lyalo wakabakushisha pansengwe akubeepusha ayi, “Nobamaloba, ino inga ndacita buyani kwaamba ayi mpulushikwe?”

Milimo ya Batumwi 2:37

Ono bantu ndibakanyumfwa boobo, bakapenshekwa abuumbi mumyoyo. Lyalo bakeepusha Pita abatumwinyina ayi, “Nobamakwesu, ino tucite buyani?”

Bene Efeso 3:14

Paceebo ceeco ndafukama pameenso a baTa,

Bene Ebulu 10:11

Mupailishi wa baJuda woonse wakalinga kwiimikana akucita mulimo wakwe wa bupailishi inshiku shoonse alimwi wakalinga kubenga milambu yomwi ayomwi mankanda aanji. Sombi milambu teyakalinga kucikonsha kukusha shibiibi sha bantu, sobwe.

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.