Mika 6:10 - Baibo Busansulushi Bwa Libuku Ili

¹⁰ Mumaanda a bantu babiibi muli buboni ubo mbobakacana mukunyengelela. Balasebensesha shipimo shabubeshi, isho nsheempatite.

Mika 6:10 ပူးပေါင်းရင်းမြစ်များ

Tushimpi 10:2

Buboni bucaninwa munshila ibiibi tabucite mpindu, sombi bululami bwalo bulapulusha muntu kulufu.

Tushimpi 11:1

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Tushimpi 20:10

Shipimo shakubeca amabwe akupimisha anyengelela, Mwaami Lesa ulishipatite shoonse.

Tushimpi 20:23

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Tushimpi 21:6

Buboni bwakucanina munshila yakutashomeka bulafwambaana kushimingana, sombi tabuciti boobo kabutana kukutola mukoose ka lufu.

Amosi 3:10

Mwaami Lesa waamba ayi, “Bantu abo balasusha malinga ashintu shakusaala. Tabacishi kucita shintu shiluleme, napaceyi.”

Amosi 3:9

Amwaambilishe kumalinga a ndabala ya Ashidodi akumalinga akucishi ca Ijipiti ayi, “Amubungane patulundu twa Samaliya. Amubone mapensho ali muli ncico akulyatililana kuli pakati ka bantu ba ncico.”

Mika 6:9

Kuloonda Mwaami Lesa mbusongo. Utokoolobesha mundabala inene ya Jelusalemu ayi, “Amukutike mwebo nobantu nomwikala mundabala inene ino.

Sefaniya 1:9

Pabushiku bweenka ubo ndaakunyonyoola boonse abo balambila anga mbakunsengwe ee, abo beepa akucaya kwaamba ayi basushe shintu muŋanda ya mwaami wabo ngobalambila.”

Sekaliya 5:6

Mpeeke ndakamwiipusha ayi, “Ino nciinshi?” Alakwe wakankumbula ayi, “Ngumutaanga wakupimishaako uyo utokwiimikanina shibiibi sha mucishi coonse.”

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.