Mika 5:8 - Baibo Busansulushi Bwa Libuku Ili

⁸ Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Mika 5:8 ပူးပေါင်းရင်းမြစ်များ

Matalikilo 49:9

Juda uli anga mwanaankalamu, ucaya paya moyo akuboolela mucimfwengo cakwe. Mbuli nkalamu ulabwandama akoona panshi, nabi nkalamu yanakashi, anu ngani weenga wamusonkomona?

Kulumbaisha 104:20

Mwakalenga munshinshe kwaamba ayi ube mashiku, banyama bamuluundu ndibaswa akuya ceenda.

Kulumbaisha 44:5

Kwiinda muli ndimwe balwani besu balaboola pesule kuboowa. Kwiinda muliina lyanu tulakoma balwani besu cakumaninina.

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Tushimpi 30:30

Shintu isho ninkalamu icite nkusu kwiinda banyama boonse alimwi teeloondi cintu cili coonse,

Isaya 5:29

Bashilumamba abo balalilabo anga ninkalamu, ee, anga mbaana ba nkalamu abo babuluma na bacata munyama. Balamutolaanya cakubulaawo aukonsha kumufuna.

Esekelo 39:10

Teshi bakanootepawo nkuni muluundu nabi mumasaka ceebo balaakunoosebensesha shilwanisho isho pakukunka mulilo. Kuswawaawo balaakusaala baabo bakabasaala akubwesa buboni bwa baabo bakababwesela. Nebo neMwaami Lesa Shinkusu shoonse ndaamba.’ ”

Osiya 5:14

Ndaakulwana bene Isilaeli anga ninkalamu, ee, kulwana bene Juda anga ninkalamu icite nkusu abuumbi. Ndaakubakwamoona mutupanshapansha akuya. Ndaakubanyamuna akubatola kwakubula aubafunaako.

Mika 2:12

“Nobamulunyungu lwakwe Jakobo ncakwiila ndaakumuyobolola noonse. Ndaakuyobolola bene Isilaeli bakacaala boonse. Ndaakubabunganya anga nimbelele mucimpati, ee, anga nditanga kumafulo a ndilyo. Musena uyo ulaakwisula bantu.”

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Mika 4:7

Balema abo ndaakubalengesha kuba bantu bangu. Ncakwiila abo bakakushikwa kumishaabo, ndaakubalengesha kuba mushobo uyumu. Nebo neMwaami Lesa ndaakunoobalela paKalundu ka Siyoni, kuswa bushiku ubo tibili amuyayaya.”

Mika 5:3

Mwaami Lesa ulaakusuula bene Isilaeli, kushikila muleli uyo akashalwe alimwi kushikila bamakwabo abo bali mubusha bakaboole pakati ka bene Isilaelinyinaabo.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Sekaliya 10:5

Boonse pantu pomwi balaakuba anga mbashilumamba beshinkusu abo balyatoola balwani babo kubapisha mumatipa mumikwakwa. Ceebo cakwaamba ayi nebo neMwaami Lesa ndi ambabo, balaakunoolwana akukoma balwani babo beshimaaki.

Sekaliya 11:6

Paceebo ceeci teshi nkabanyumfwilewo nkumbu bantu ba mucishi ici. Muntu woonse ndaakumwaaba kuli shikamukobonyina akumwaami wakwe. Bantu aba balaakubalyatilila, sombi nebo teshi nkabafuneewo sobwe. Nebo neMwaami Lesa ndaamba.”

Sekaliya 12:3

Ono ciindi ico caakushikila, mishobo ya mucishi ca panshi yoonse yaakubungana pantu pomwi ayi ilwane ndabala iyo, ndaakulengesha Jelusalemu kuba anga ndibwe lilemu. Nkokwaamba ayi kulila mushobo uyo weenga weelesha kulinyamuna, ulaakulicisa.

Sekaliya 14:18

Na bene Ijipiti bakakake kunoocanika kuKusekelela kwa Shimpaka, mfula teshi bakanooibonaawo. Nkokwaamba ayi Mwaami Lesa ulaakubaletela mwaalu weenka uyo ngweshi akalosheshe bamumishobo yoonse abo beshi bakakake kuya mukucanika kuKusekelela kwa Shimpaka.

Sekaliya 9:15

Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.

Malaki 4:3

Pabushiku ndaakucita shintu ishi, mulaakulyatoola bamucita shibi cakwaamba ayi bakaboolebo anga njimilota panshi pamyeendo yanu.

Shakubelenga 24:9

Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

Mateyo 10:14

Na kwabula muntu nabi womwi weenga wamutambula nabi kukutika maswi anu, pakuswaamo mukalipaampe lusuko kushimpanta.

Milimo ya Batumwi 18:6

Sombi ndibakamupikisha akutalika kwaamba shibiibi kuli nguwe, Paulo wakabonesha kukaka kwabo kwiinda mukulipampa lusuko kushakufwala akubalwiita ayi, “Mwalicaya nobeene! Nebo nshicite mulandu, sobwe. Kuswa sunu ndanooshimikilabo baswamashi bakunsengwe.”

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.