Mika 5:7 - Baibo Busansulushi Bwa Libuku Ili

⁷ Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.

Mika 5:7 ပူးပေါင်းရင်းမြစ်များ

2 Samwelo 17:12

Defedi tulaakumulangoola kuli koonse nkwaabete akumulwana kaatana kwishiba citoocitika bweenka mbuli mume mbooloka. Lyalo taaku nabi womwi pakati ka bashilumamba bakwe eshi akacaale kaali muumi.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 133:3

Buli anga ngumume wa kuKalundu ka Emoni, utoolokela paKalundu ka Siyoni. Uko nkokukalundu Mwaami Lesa nkwakashomesha kupa coolwe, ncakwiila abuumi bwamuyayaya.

Kulumbaisha 72:6

Mwaami uyo aakabe anga nimfula itoolokela mumyuunda, ncakwiila anga nja tepetepe itootontosha cishi coonse!

Tushimpi 19:12

Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.

Isaya 32:15

Sombi Lesa ulaakututumina alimwi Mushimu wakwe kuswa kwiculu. Lyalo luyanga lulaakuba muunda wa mboleshi awalo muunda wa mboleshi ulaakuba musaansa.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 55:10

“Mfuula acaandwa shilaloka kuswa kwiculu. Ncakwiila tashibooli kwiculu kashitana kutontosha cishi ca panshi. Ee, kashitana kucilengesha kusapuka maluba akunefuma kwaamba ayi cikushe mbuto sha wooyo shikushanga akukusha cakulya ca wooyo shikulya.

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Esekelo 14:22

Nakubi boobo kulaakuba bamwi beshi bakacaaleewo, nkokwaamba ayi bana babo basankwa abanakashi balaakufunwa kuswa muJelusalemu. Balaakwisa kuli ndiwe, lyalo waakubona mibo amicito yabo ibiibi, awebo ulaakusumina pamapensho ayo ngondakaleta muJelusalemu. Nkokwaamba ayi mapensho oonse ngondakacita momulya.

Esekelo 47:1

Mpeeke muntu uyo wakantola kumwinjililo wa Ŋanda yakwe Lesa. Lyalo ndakabona maanshi kaaswa mumwinjililo akunookunkila kwicwe uko kwakalinga kulangite Ŋanda yakwe Lesa. Maanshi aya akalinga kuswa panshi kulubasu lya kumalenge lya Ŋanda yakwe Lesa akuya mukwiinda kumalenge lya cipaililo.

Esekelo 5:5

Mwaami Lesa Shinkusu shoonse waamba ayi, “Iyi nindabala ya Jelusalemu iyo njendakabika pakati ka cishi ca panshi coonse. Ncakwiila mishobo imwi yoonse iliishingulukite.

Danyelo 11:32

Kwiinda mukucenjeeka kwa kwaamba maswi abotu, ulaakuyungoola bantu abo bakasuula kale kupaila kwabo, sombi abo bashoma Lesa wabo balaakumukakila cankusu.

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Jowelo 2:32

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa bweenka bwakaamba Mwaami Lesa ayi, ‘Bamwi paKalundu ka Siyoni amundabala ya Jelusalemu, balaakupulushikwa. Nkokwaamba ayi abo mbweshi nkasaale, balaakucaalaawo.’ ”

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Mika 2:12

“Nobamulunyungu lwakwe Jakobo ncakwiila ndaakumuyobolola noonse. Ndaakuyobolola bene Isilaeli bakacaala boonse. Ndaakubabunganya anga nimbelele mucimpati, ee, anga nditanga kumafulo a ndilyo. Musena uyo ulaakwisula bantu.”

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Mika 4:7

Balema abo ndaakubalengesha kuba bantu bangu. Ncakwiila abo bakakushikwa kumishaabo, ndaakubalengesha kuba mushobo uyumu. Nebo neMwaami Lesa ndaakunoobalela paKalundu ka Siyoni, kuswa bushiku ubo tibili amuyayaya.”

Mika 5:3

Mwaami Lesa ulaakusuula bene Isilaeli, kushikila muleli uyo akashalwe alimwi kushikila bamakwabo abo bali mubusha bakaboole pakati ka bene Isilaelinyinaabo.

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Sefaniya 3:13

Bene Isilaeli beshi bakacaaleewo teshi bakabisheewo. Teshi bakaambewo shabubeshi alimwi teshi bakeeleshewo kucenjeeka bamwi. Balo balaakunooswitilila akwikala cakuliiba, ncakwiila taaku muntu weshi akabaloondeshe.”

Sekaliya 14:8

Ncakwiila bushiku ubo bwaakwisa, maanshi atontola alaakukunka kuswa mundabala ya Jelusalemu. Musa wa maanshi ayo ulaakukunkila muLweenge lwa Mwiinyo, musa umwi muLweenge lwa Mediteleniyani. Alaakunookunkabo mwaaka oonse, cilimo amainsa.

Sekaliya 9:13

Ndaakusebensesha bene Juda anga mbuta bwa shilumamba akusebensesha bene Isilaeli anga njemifwi. Balo bene Siyoni mbweshi nkasebenseshe anga ngumupeeni pakulwana bashilumamba bene Gilisi.”

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Milimo ya Batumwi 11:15

Ndindakatalika kubalwiita, Mushimu Usalashi wakesa pali mbabo bweenka mbowakesa pali ndiswe kumatalikilo.

Milimo ya Batumwi 13:46

Sombi lakwe Paulo aBanabasi bakeendilishaawo kwaamba cakutaloonda ayi, “Twalinga kweelete kwaamba ayi tutaangune kushimikila ndimwe maswi akwe Lesa. Sombi mukwiinga mwaakaka nobeene akubonesha kwaamba ayi tamweelete buumi butamaani, tutoomushiya tuye kubaswamashi bakunsengwe.

Milimo ya Batumwi 16:9

Mashiku Paulo wakabona muntu anga muciloto kaaimfwi akumukombelela ayi, “Kosa kuMakedoniya utucaafwe.”

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 10:20

Lesa wakaamba alimwi cankusu kwiinda muli Isaya ayi, “Nebo bakancana, mbantu batakalinga kunyandoola, ndakaboneka kubantu batakalinga kunsenga ayi bamboone.”

Bene Loma 11:12

Ceebo cakubisha kwa baJuda, bantu bamucishi ca panshi bakatambula shoolwe. Ceebo cakwaalilwa kwa baJuda, baswamashi bakunsengwe bakatambula shoolwe. Ino cilaakweela kuli na baJuda boonse bakasalwa, bakasenkane abashomi?

Bene Loma 9:30

Ncetutokwaamba nceeci, baswamashi bakunsengwe tebakalinga kweelesha kulilulamika pameenso akwe Lesa. Sombi Lesa wakabalulamika ceebo bakamushoma.

1 Bene Kolinto 3:6

Nebo ndi anga ngumuntu wakashanga mbuto, alakwe Apolosi washitilila, sombi nguLesa ulengesha ayi shikule.

Dutolonomi 32:2

Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.

Boomboloshi 6:36

Mpeeke Gidyoni wakaambila Mwaami Lesa ayi, “Na ncakwiila mulaakusebensesha ndime kufuna Isilaeli kweelana ambomwaamba,