Mika 5:6 - Baibo Busansulushi Bwa Libuku Ili

⁶ Bamatanjilili abo balaakukoma cishi ca bene Asilya kumupeeni. Balaakukoma acishi ca Nimulodi kunkondo. Balaakutufuna kuswa kubene Asilya paciindi baakwisa mukulwana cishi cesu, ee, baakwinjila mumanyinsa esu.

Mika 5:6 ပူးပေါင်းရင်းမြစ်များ

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

1 Makani 1:10

Kushi wakashala mwaana musankwa wiitwa ayi Nimulodi uyo wakaba shilumamba ucibwene kulwana mutaanshi mucishi ca panshi.

2 Makani 33:11

Kuswawaawo Mwaami Lesa wakaletela bamatanjilili ba bashilumamba ba bene Asilya ayi balwane bene Juda. Mpeeke bakacata Manase busha. Bakamubika ndobo munshono yakwe, bamwaanga ncetani sha bulonse akumutola kuBabiloni.

Jobo 29:22

Na ndamanisha kwaamba, taaku ncebakalinga kwiilikaawo ceebo maswi angu akalinga kubenjila kabotu kabotu.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 72:6

Mwaami uyo aakabe anga nimfula itoolokela mumyuunda, ncakwiila anga nja tepetepe itootontosha cishi coonse!

Isaya 14:2

Mishobo imwi ya bantu ilaakucafwa bene Isilaeli kuboola kucishi ico cakabapa Mwaami Lesa. Mucishi ico bantu bamumishobo imwi iyo balaakuba basha kubene Isilaeli. Lyalo abo bakalinga bacata bene Isilaeli busha, balaakuba mbabo basha kubene Isilaeli. Ncakwiila bene Isilaeli balaakulela baabo bakalinga kubalyatilila.

Isaya 14:25

Bene Asilya ndaakubanyonyoola mucishi cangu. Ndaakubalyatoola peculu lya tulundu twangu. Lijoko lya bweendeleshi bwa cishi ca Asilya ndaakulikushaawo pabantu bangu. Ndaakubatula mukuli uyo kuswa pashifushi shabo.

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 37:36

Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Isaya 37:37

Lyalo Senakelibu mwaami wa bene Asilya wakamwaya misumba akuboolela kuNinife.

Isaya 6:13

Ono nabi bantu baniini bakacaaleewo, abalo balaakunyonyoolwa. Sombi bweenka bucaala cishiki apo patemwa cisamu ca telebinti nabi ca mubanga, mbweeke ubo imbuto isalalite mbweshi ikacaaleemo anga ncishiki mucishi ici.”

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Naamu 2:11

Anu ndabala ya Ninife ili kuli? Anu njili ndabala iyo yakalinga anga ncimfwengo mwikala nkalamu? Uli kuli musena uko bana ba nkalamu nkobakalinga kusanininwa ankalamu isankwa ayanakashi nkoshakalinga kuya abana ba nshisho kabatacite cakulisukama?

Sefaniya 2:13

Mwaami Lesa ulaakufungulula lyaansa lyakwe kubantu ba kumatwa akunyonyoola bene Asilya. Ulaakulengesha ndabala ya Ninife kuba litongo. Ncakwiila ilaakuyuma anga nduyanga.

Sefaniya 3:12

Ndaakushiyamobo beshikulibombya abeshikuliceesha mundabala yanu, ee, bantu abo bacinkite manungo muliina lyangu nebo neMwaami Lesa.

Luka 1:71

ulaakutupulusha kuswa kubalwani besu, nkokwaamba ayi kunkusu sha baabo boonse batupatite.

Luka 1:74

ulaakutupulusha kuswa kubalwani kwaamba ayi tumusebensele cakubula boowa

Luka 24:27

Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.

Dutolonomi 32:2

Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.