Mika 5:3 - Baibo Busansulushi Bwa Libuku Ili

³ Mwaami Lesa ulaakusuula bene Isilaeli, kushikila muleli uyo akashalwe alimwi kushikila bamakwabo abo bali mubusha bakaboole pakati ka bene Isilaelinyinaabo.

Mika 5:3 ပူးပေါင်းရင်းမြစ်များ

1 Baami 14:16

Mwaami Lesa ulaakusuula bene Isilaeli boonse mukwiinga wa kubisha kwakwe Jeloboamu uyo wakalengesha bene Isilaeli kubisha.”

2 Makani 30:7

Mutabi anga mbamashali banu bakulukulu abene Isilaelinyinaanu abo batakwe kushomeka kuMwaami Lesa, Lesa wabo. Bukali bwakwe bwakabaselukila kweelana ambomwishi kale noonse.

Kulumbaisha 67:3

Bantu boonse abamulumbaishe nobaLesa, ee, bantu boonse abamulumbaishe!

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Jelemiya 23:5

Mwaami Lesa waamba ayi, “Ciindi cilaakushika ndyeshi nkasale wamulunyungu lwakwe Defedi ululeme kuba mwaami. Mwaami uyo ulaakulela cabusongo akucita shintu shiluleme akoombolosha cakutanyengelela mucishi.

Jelemiya 31:1

Mwaami Lesa waamba ayi, “Ndaakuba Lesa wa shipani shoonse sha mumikowa ya bene Isilaeli, abalo balaakuba bantu bangu.

Esekelo 34:16

“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Osiya 2:14

“Paceebo ceeco ndaakubatola muluyanga alimwi. Umo ndaakubanyengelela amaswi abotu a lusuno kwaamba ayi mbabooshe kumubili.

Osiya 2:9

Aboobo ndaakubanyaya shili anga ngamaila shaakupya. Ndaakubanyaya waini pakutyana minyansa. Ndaakubanyaya shakufwala sha booya bwa mbelele ansaalu shiteshimite isho nshendakabapa ayi kabafwala.

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.

Mika 4:7

Balema abo ndaakubalengesha kuba bantu bangu. Ncakwiila abo bakakushikwa kumishaabo, ndaakubalengesha kuba mushobo uyumu. Nebo neMwaami Lesa ndaakunoobalela paKalundu ka Siyoni, kuswa bushiku ubo tibili amuyayaya.”

Mika 5:7

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Mika 6:14

Mulaakulya, sombi teshi mukakute. Ncakwiila mafumo anu alaakunoolibo bwaashi. Mulaakubika kubutala, sombi teshi shikashikeeko mukwiinga shoonse ndaakushinyonyoola kunkondo.

Mika 7:13

Cishi ca panshi cilaakuba luyanga ceebo cakubisha kwa baabo bekalaamo.

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Mateyo 12:50

Mukwiinga uyo woonse ucita buyanda baTa bali kwiculu ngunandumi yangu, ngunankashi yangu alimwi mbobama.”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.