Mika 5:2 - Baibo Busansulushi Bwa Libuku Ili

² Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mika 5:2 ပူးပေါင်းရင်းမြစ်များ

Matalikilo 35:16

Ono Jakobo abamuŋanda yakwe bakaswaako kuBetelo. Sombi ndibakashika kufwaafwi aEfulati, Lakelo mumala mwakabuka. Ono cakashupa kutumbuka.

Matalikilo 35:19

Lakelo ndyaakafwa, bakamubika mweela nshila iya kuEfulati uko bulya kwiitwa ayi Betileemu.

Matalikilo 48:7

Ici ntoocicita ceebo ca banyoko baLakelo. Ndakaba abuumba bunene abuumbi ndibakafwa muKenani, pafwaafwi aEfulati, ndindakalinga kuswa kuMesopotamya. Ndakababika kweenka kulya munshaanshila iya kuEfulati.” Efulati bulya iletwa ayi Betileemu.

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

1 Makani 2:54

Bamulunyungu lwakwe Saluma mbaaba: Bene Betileemu, bene Netofa, bene Atoloti Beti Joabu musa wa bene Manaati alimwi abene Soli

1 Makani 4:4

Penuwelo wakayaka ndabala ya Gedo, alakwe Esa wakashala Usha. Aba mbobamulunyungu lwakwe Ulu mwaana wakwiiya wakwe Efulata uyo wakayaka ndabala ya Betileemu.

1 Makani 5:2

Nakubi kwaamba ayi mukowa wakwe Juda wakalinga wakaba ushinkusu kwiinda mikowa ya bamakwabo, nkusu sha bunenebantu shakapekwa kuli Josefu.

Kulumbaisha 132:6

Twakanyumfwa shaLibokoshi lya Cipangano muEfulata. Twakalicana mumyuunda ya ndabala ya Jeyalimu.

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Kulonga 18:21

Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Kulonga 18:25

Wakasala basankwa beenga basebensa kuswa pabene Isilaeli boonse. Wakabasala ayi babe batanjilili ba bantu, bamwi ba bali cuulu, bamwi mwaanda, bamwi makumi osanwe alimwi abamwi ba bali likumi.

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.

Isaya 53:2

Musebenshi wakwe ulya wakakula anga ninsoonseela kumeenso akwe Lesa nabi anga ngumuyanda watuntula mubulongo buyumu. Taakalinga kucitewo bulemu alimwi taakalingawo mubotu cakukonsha kutukwelela kuli nguwe Mbonekelo shakwe teshakalinga kukonsha kutapa myoyo yesu kuya pali nguwe.

Isaya 55:4

Amubone, lakwe ndakamusala kuba kamboni kubantu boonse. Ndakamulengesha kuba mutanjilili wa mishobo imwi yoonse.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Jelemiya 30:21

Mutanjilili wabo ulaakunooli mwine mishaabo. Ncakwiila muleli wabo ulaakuswa pakati kabo. Ndaakumusenya pafwaafwi alakwe ulaakuba muliimfwa lyangu, ceebo taaku weenga waliyuminisha kunsena pafwaafwi na nshina kumwiita.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Mika 4:10

Ondabala ya Siyoni, kosalooka kubuumba bweenka mbuli mwanakashi uli pankanta mukwiinga bulya bantu bako batooswa mundabala inene akuyaka misumba muluundu mutaamu shisamu. Bantu bako balaakutolwa kuBabiloni, sombi uko balaakufunwa, ncakwiila Mwaami Lesa ulaakubalubula kuswa mumaansa a balwani babo.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Mateyo 2:1

Jesu wakashalilwa mundabala ya Betileemu mucishi ca Judeya, munshiku isho Elodi ndyaakalinga mwaami wa mucishi ico. Ndyaakashalwabo, bantu basongo bakaswa kwicwe bakashika muJelusalemu akwiipusha ayi,

Mateyo 2:6

‘Webo Betileemu wa mucishi ca Judeya, toobete ndabala iniini pamandabala oonse a muJudeya, ceebo muli ndiwe mulaakuswa mutanjilili eshi akeembele bantu bangu bene Isilaeli anga ngumweembeshi.’ ”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Luka 23:2

Lyalo bakatalika kumubekesha shikani ayi, “Twakacana muntu uyu kayungoola bantu ba mucishi cesu ayi babukile cishi cino. Wakalinga kubaambila ayi bacileeke kupeleka musonko kuli Sisa, muleli munene wa kuLoma. Peculu lya waawo wakalinga kwaamba ayi uyu mwiine ngoUsalitwe wakwe Lesa alimwi ayi ngumwaami.”

Luka 23:38

Peculu lyakwe pakalinga kulembetwe ayi, “Uyu ngoMwaami wa baJuda.”

Joni 7:42

Sa Malembo akwe Lesa taambi ayi, ‘Usalitwe wakwe Lesa ulaakuswa mulunyungu lwakwe Defedi alimwi ulaakushalilwa mundabala ya Betileemu umo mwakalinga kwikala mwaami Defedi?’ ”

Dutolonomi 1:15

Aboobo ndakabwesa basongo alimwi batanjilili balemekwa, abo mbomwakasala, akubabika ayi bamutanjilile. Bamwi bakalinga kweendelesha bali cuulu, bamwi mwaanda, bamwi makumi osanwe, abalo bamwi likumi. Ndakasala abamwi bacinenenene mumikowa yoonse.

Bene Kolose 1:17

Klistu wakalingaako shintu shoonse kashitana kulengwa, alimwi shoonse shilicatite muli nguwe.

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Bene Ebulu 7:14

Cilishibikitwe ayi Mwaami wesu wakalinga wamulunyungu lwakwe Juda alimwi Mose taakwe kulwaambaawo lunyungu ulu ndyaakalinga kwaamba shabapailishi.

1 Joni 1:1

Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

Ciyubululo 2:8

“Mutanjilili wa kucoonde ca kuSimeena, umulembele ayi, “Aya ngamakani aamba wooyo uli ngoMatalikilo alimwi aMamanino uyo wakafwa akuba abuumi.

Ciyubululo 21:6

Wakatolelela kuŋambila ayi, “Ono camana! Nebo ndime Matalikilo alimwi aMamanino, mutaanshi alimwi awakweelaako. Uyo woonse unyumfwite nyotwa, ndaakumusuminisha kunwa mukantupu ka maanshi apa buumi kwakubula kulipila.

Boomboloshi 17:7

Ono kwakalinga cikula bwangu umwi mwine Lefi wakalinga kwikala muBetileemu mucishi ca Juda.

Lute 1:1

Kale kale, cishi ca Isilaeli kaciceendeleshekwa aboomboloshi, muIsilaeli mwakaba nsala. Mpeeke musankwa wakalinga kwiitwa ayi Elimeleki wamucipani cakwe Efulati alimwi uyo wakalinga kwikala muBetileemu mucishi ca Juda. Musankwa uyo wakalongela kuMoabu aNaomi mukaakwe, pantu pomwi abana bakwe basankwa bobilo, Maloni aKilyoni. Ndibakalinga kucili kooko,

Lute 4:11

Bamaloba abamwi boonse bakalinga kumwinjililo wa ndabala bakaamba ayi, “Ee tuli bakamboni. Mwaami Lesa aalengeshe bakaako kuba mbuli Lakelo aLeya, abo bakashalila Jakobo baana baanji. Aakulengeshe kubila mucipani cakwe Efulati akupuka muno muBetileemu.

1 Samwelo 10:19

Ndime Lesa wanu, uyo eenka umufuna kuswa kumapensho amakatasho anu. Ono sunu mwankaaka akusenga ayi mupe mwaami. Ncibotu, amubungane pameenso angu neMwaami Lesa mumukowa amukowa, cipani acipani.’ ”

1 Samwelo 17:12

Defedi wakalinga mwanaakwe Jese mwine Efulati mundabala ya Betileemu kucishi ca Juda. Jese wakalinga kucite baana basankwa bosanwe abotatwe, alimwi muciindi cakwe Saulo wakalinga kucembelete abuumbi.

1 Samwelo 17:18

Tolelela atupimpita twa bwaanda tuli likumi uye upe mutanjilili wa likoto lyabo lya bashilumamba. Wiipushe na mbayumu akutuletelela citondesho cakwaamba ayi tushome ayi mboomi alimwi wabonanaabo.

1 Samwelo 23:23

Mukeepushe misena yoonse njaayubaamo, lyalo mukese kuno alimwi mukandwiite lushinisho lwiine lwiine. Kuswawaawo ndaakuyaanu alimwi na ali kumusena uyo, ndaakumulangoola pakati ka bene Juda boonse.”

1 Samwelo 8:12

Bamwi balaakunooba bamatanjilili ba bashilumamba bali cuulu, bamwi ba bali makumi osanwe. Bana banu basankwa balaakunoolima myuunda yakwe, kwiitebula akupanga sheensho ashisebensesho sha beshikulwanina mushikoci sha maaki.