Mika 4:5 - Baibo Busansulushi Bwa Libuku Ili

⁵ Mushobo womwi awomwi ulaakunoolambila akunyumfwila lesa wa nguwo, sombi swebo tulaakunoolambila akunyumfwila Mwaami Lesa, Lesa wesu kwalyoonse alyoonse.

Mika 4:5 ပူးပေါင်းရင်းမြစ်များ

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

2 Baami 17:29

Sombi likoto lya mushobo womwi awomwi wa bantu lyakapanga lesa wa nguwo mumandabala ayo ngobakalinga kushiiteemo muSamaliya. Balesa abo bakababika mumisena yakulambililaako ya patulundu iyo yakayaka bene Samaliya.

2 Baami 17:34

Ncakwiila kushikila asunu bacicita kweelana akwishibila kwabo kukulukulu. Tabalambiliwo Mwaami Lesa nabi kukonkela milasho amilawo iyo Mwaami Lesa njaakapa bamulunyungu lwakwe Jakobo uyo ngwaakatumba ayi Isilaeli.

Kulumbaisha 20:6

Ee, ono ndeshiiba kwaamba ayi Mwaami Lesa ulalengesha mwaami ngwaakasala kukoma. Ncakwiila ulakumbula kusenga kwa mwaami wesu kuswa kwiculu lyakwe lisalalite. Ulakumbula ankusu shakwe shiindaawo shakupulusha.

Kulumbaisha 48:14

Ceebo Lesa uyo ngoLesa wesu kwamuyayaya Ndushinisho ulaakunootutanjilila tibili akumeelelesho.

Kulumbaisha 71:16

NobaLesa Beshinkusu shoonse ndanoolumbaisha nkusu shanu. Ndanoolumbaisha bululami bwanu, ee, bwanu nweenka.

Isaya 2:5

Aboobo mwebo nobamulunyungu lwakwe Jakobo amwise tweendele mumumuni wa Mwaami Lesa!

Isaya 26:13

NoBaami baLesa, baLesa besu nabi twakalelwaawo kale abamaami bamwi, sombi mwebo nweenka ndimwebo Baami baLesa besu.

Isaya 26:8

Swebo tulacita kweelana akuyanda kwanu alimwi tulalangila muli ndimwe. Tulisuni kubona liina lyanu kalisumpulwa akuya mpuwo.

Jelemiya 32:40

Ndaakupanga cipangano ambabo calyoonse alyoonse. Ee, teshi nkacileeke kubacitila shibotu nabi kucileka kubalengesha kunoonda amyoyo yabo yoonse kwaamba ayi batakamfutatili tubili.

Sekaliya 10:12

Ndaakulengesha bantu bangu kuba ankusu alimwi balaakunoonambila akunyumfwilabo ndime. Nebo neMwaami Lesa ndaamba.”

Milimo ya Batumwi 14:16

Kale kale Lesa wakaleka bantu ayi inga bacita cili coonse kweelana akuyanda kwabo.

Dutolonomi 27:10

Paceebo ceeci kamumunyumfwila akukonkela milawo amilasho yakwe yoonse iyo njentoomupa sunu.”

Bene Kolose 2:6

Ono ceebo mwakatambula Jesu Klistu akusumina ayi abe Mwaami wanu, amukalilile muli nguwe.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”