Mika 3:3 - Baibo Busansulushi Bwa Libuku Ili

³ Mulalya bantu bangu, kufunda shipaya shabo, kupwayoola shifuwa shabo akutimboola anga ninyama yakuteleka mumupika.

Mika 3:3 ပူးပေါင်းရင်းမြစ်များ

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Kulumbaisha 27:2

Bantu babiibi ndibamfuumukila ayi banyonyoole, balwani bangu, ee, abo bampatite ndibesa ayi bandwaane, balalisuntula akuwa kwiinda mukukomwa.

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Isaya 3:15

Anu mutooyeeya ayi ndimwe baani pakulyatilila bantu bangu akunoolita masuku pamitwi ya bakandu?” Ubo mbwaatokwaamba Mwaami Lesa, ee, Mwaami Lesa Shinkusu shoonse.

Esekelo 11:3

Balo balaamba ayi, ‘Sa te onoonobo nciindi cakuyaka maanda? Ndabala ino ili anga ninongo yakutelekaamo, ono swebo tuli nyama! Nakubi boobo ilatutabilila kuswa kumulilo.’

Esekelo 24:4

Mwamana mubikeemo shipumputa sha nyama, shipumputa sha nyama iindaawo kubota. Nkokwaamba ayi myeendo yakatako ayakunembo. Muusuushe amafuwa eendaawo kubota.

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Mika 2:8

Ono Mwaami Lesa waamba ayi, “Mwebo mulalwana bantu bangu anga mbalwani babo. Bashilumamba balapiluka kunkondo kabayeeya ayi kumishaabo taaku cakulisukama. Sombi mwebo mulababelamina ayi mwiipe shakufwala shabo sha peculu.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.