Mika 2:10 - Baibo Busansulushi Bwa Libuku Ili

¹⁰ Amunyamuke, munooya mukwiinga uno teshi musena wanu wakookesheshaawo. Shibiibi shanu shalengesha musena uno kutaba usalalite. Ncakwiila ulaakunyonyoolwa cakumaninina.

Mika 2:10 ပူးပေါင်းရင်းမြစ်များ

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

2 Baami 15:29

Muciindi ca bwaami bwakwe Peka mwaami wa bene Isilaeli, Tigilati Pilesa mwaami wa bene Asilya wakesa wabwesa ndabala ya Ijoni, Abelo Beti Maaka, Janowa, Kedeshi alimwi aya Asoli, kubikaawo acishi ca Gilyadi, Galili alimwi aca Nafutali. Wakatola bantu busha kuAsilya.

2 Baami 17:6

Mumwaaka wasanu ayone wa bwaami bwakwe Osheya, mwaami wa bene Asilya wakakoma ndabala ya Samaliya akutola busha bene Isilaeli kucishi ca Asilya. Bamwi wakabekalika mundabala ya Ala, bamwi kufwaafwi aMulonga wa Aboli mumusena wiitwa ayi Gosani, bamwi mumandabala anene a mucishi ca bene Medi.

2 Makani 7:20

ingayi ndaakumutanda mucishi ncendakamupa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakwiiseka akwiibona ayi taaku mboibete.

Kulumbaisha 106:38

Bakatila bulowa bwa baabo batacite mulandu. Ee, bulowa bwa bana babo basankwa abanakashi abo mbobakabenga kushibumbwabumbwa shine Kenani. Bucayi ubo bwakacitika bwakabisha cishi ico coonse.

Kulumbaisha 95:11

Ndakakalala akushomesha cakulumbila ayi, “Teshi mukenjileewo mucishi umo mondalinga kweelete kumupa kookesha.”

Jelemiya 10:18

Mwaami Lesa waamba ayi, “Paciindi ico ndaakusowa bekala mucishi ici. Ndaakubaletela mapensho kwaamba ayi bakacatwe.”

Jelemiya 3:2

Amulange peculu lya tulundu tutacite bwiisu mubone. Sa kuliwo pakacaala mpomutana kutacitilawo bufuule? Mwakalinga kunookala mweela nshila kulindilila basankwa bweenka mbuli bucita muAlabu muluyanga. Aboobo mwalengesha cishi kutanoosalalite ceebo ca bufuule abubi bwanu.

Jelemiya 9:19

Kwanyumfwika mibila muSiyoni ayi, “Twanyonyoolwa! Tulicite nsoni abuumbi. Tulyeelete kushiya cishi cesu ceebo maanda esu akanyonyoolwa.”

Esekelo 36:17

“Webo omuntu, bene Isilaeli ndibakalinga kwikala mucishi cabo, bakacibisha kubwikaalo bwabo amicito yabo. Micito yabo yakalinga kubalengesha kutanoosalalite kweelana aMilawo anga ngumwanakashi wakubala.

Esekelo 36:19

Ndakabapalanganishisha pakati ka mishobo imwi. Ndakaboombolosha kweelana abwikaalo bwabo alimwi amicito yabo.

Dutolonomi 12:9

mukwiinga tamuna kushika mucishi ico Mwaami Lesa, Lesa wanu ncaatoomupa, umo mweshi mukekale muluumuno.

Dutolonomi 30:18

ntoomulwiitila limwi sunu ayi ncakwiila mulaakunyonyoolwa. Teshi mukekaale ciindi cilaamfu mucishi ico cili kwitala lya Joodani ncemutooya mukubwesa akwikalaamo.

Dutolonomi 4:26

Ndeeta liculu acishi ca panshi kuba bakamboni sunu, kwaamba ayi na mukabule kunyumfwila, teshi mukekaale ciindi cilaamfu mucishi cili kwitala lya Joodani ico ncemuli pafwaafwi kubwesa. Sombi mulaakunyonyoolwa cakumaninina.