Mika 2:1 - Baibo Busansulushi Bwa Libuku Ili

¹ Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Mika 2:1 ပူးပေါင်းရင်းမြစ်များ

Matalikilo 31:29

Ndicite nkusu shakukucisa, sombi Lesabo wa baiso ngowancenjesha mashiku ainda ayi ntakulengeshi boowa munshila ili yoonse.

1 Baami 21:7

Mpomunyaawo Jesebelo mukaakwe wakaamba ayi, “Sa mwebo tamushi baami ba cishi ca Isilaeli? Amubuke, musangalale akulya! Nebo ntoomubwesela muunda wa minyansa wakwe Naboti mwine Jesiliilu.”

Esita 3:8

Mpomunyaawo Amani wakaambila mwaami Sakisesi ayi, “Kuli mushobo umwi wa bantu bapalangene mubwaami bwanu boonse abo bakonkela kwishibila kupuseneeko akwa bantu bamwi boonse. Bantu abo balakaka akukonkela milawo yanu. Aboobo taaku mbweshi cimucaafwe kubalekabo.

Esita 5:14

Lyalo mukaakwe Seleshi ababye boonse bakamwaambila ayi, “Ceebonshi tamutooshimpikabo shisamu shakwaangililawo bantu shilaampa mamita ali 22? Lyalo ciilo macuunsa mukaambile Baami kwaamba ayi Modekayi acailweewo. Kuswawaawo mukaye kamusangalete abaami kukusekelela.” Makani aya akakonda Amani, aboobo wakacita bweenka ubo.

Esita 9:25

Sombi makani aya akanyumfwika Esita ndyaakaya kumwaami. Lyalo mwaami wakalemba mulawo wakukasha muyeeyo wakwe Amani pabaJuda uyo wakamuboolela mwiine. Nkokwaamba ayi lakwe abana bakwe basankwa bakaangililwa pashisamu shakwaangililawo bantu.

Jobo 15:35

Bantu aba balamita mapensho akutumbuka bubi. Ncakwiila myoyo yabo iliswitebo bubeshi lyoonse.”

Jobo 24:14

Na lisuba lyepila mucayi ulanyamuka akuya mukucaya bakandu. Lyalo mumunshinshe wa mashiku ulaya mukwiipa.

Kulumbaisha 36:4

Balo nabi balilete pabulo mulimo wabo nkupanga miyeeyo ibiibi. Taaku cintu cibotu nabi comwi ncebacita, alimwi taaku cintu cibiibi cili coonse ncebakakaawo.

Kulumbaisha 36:5

Mwebo noBaami baLesa lusuno lwanu lutamaani ndunene abuumbi cakushika akwiculu, Ncakwiila akwalo kushomeka kwanu kulashika mwiculu muli nyenyeenshi.

Kulumbaisha 58:3

Anu bamucita shibi balalubabo kabacimititwe. Mbeshikubishabo akubeca kuswa kukushalwa kwabo.

Tushimpi 12:2

Mwaami Lesa ulanyumfwila nkumbu muntu kabotu, sombi ulashingana baabo bapanga miyeeyo ya bubi.

Tushimpi 14:22

Sa bantu bayeeya kucita shibiibi tabasowekete? Sombi abo bayeeya shintu shibotu balacana lusuno abulemu.

Tushimpi 3:27

Utakaki kucitila bamwi bantu shintu shibotu nshebeelete kucitilwa. Utakaki kubacafwa na webo kookonsha kubacafwa.

Tushimpi 4:16

Ceebo bantu aba tabooni kabatana kucitawo cintu cibiibi. Balo balaba acilabila na tabana kucisawo muntu.

Isaya 29:20

Sombi ico ciindi batacite nkumbu balaakuloba. Beshikucelebula babyaabo balaakushimingana abamucita shibi bamwi boonse balaakunyonyoolwa.

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Isaya 5:8

Mapensho kuli baabo batoonungilako maanda kumaandaabo akunungilako myuunda kumyuunda yabo. Ee, cakwaamba ayi musena woonse wamana, mpeeke mukekale nweenka mucishi umo.

Isaya 59:3

Maansaanu alibo pyu kubulowa bwa bantu mbomwakacaya. Ee, mulicite milandu ipusenepusene. Milomo yanu ilaamba makani abubeshi alimwi ilaamba shintu shibiibi.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Esekelo 11:2

Mpomunyaawo Mwaami Lesa wakaŋambila ayi, “Webo omuntu, aba mbobantu bapinga kucita bubi akupanda bantu maano abiibi mundabala ino.

Esekelo 33:26

Mulicinkite manungo mumipeeni yanu, mulacita shintu shilensha bunya alimwi womwi awomwi ulacita bulale. Sa ubo ingayi mulyeelete kupekwa cishi?’

Esekelo 38:10

Mwaami Lesa Shinkusu shoonse waamba ayi, “Bushiku ubu ulaakuba amuyeeyo ubiibi.

Esekelo 46:18

Muleli taaelete kubwesa cishi ca bantu bakwe akucipa bana bakwe, sobwe. Sombi ulyeelete kubatimbwita kucishi ico ncaakapekwa. Taaelete kulyatilila bantu bangu mukubanyaya cishi cabo.”

Mika 6:12

Bantu bako babile balisuni nkondo alimwi bantu bako bamwi boonse mbabeshi. Milaka yabo ilaamba shabubeshi.

Naamu 1:11

Kuswa kuli ndiwe ondabala ya Ninife mulaakuswa wooyo upinga kucita shibiibi kuMwaami Lesa akupanda maano mukucita bubi.

Sekaliya 7:10

Tamweelete kulita masuku pamitwi ya bamukalubinje, bana banshiwa, baswamashi mbomwikalaabo nabi bakandu. Mutanoopinga kucisa babyaanu.’

Maako 15:1

Ndibwakaca macuunsacuunsa, bamatanjilili ba bapailishi, bamaloba, bafundishi ba Milawo alimwi abamwi boonse beendelesha nkuta, bakalifuyafuya pantu pomwi. Mpeeke Jesu bakamwaanga akumutola mumaansa akwe Pilato.

Luka 20:19

Bafundishi ba Milawo abamatanjilili ba bapailishi bakalinga kusuni kucata Jesu paciindi ceenka ico mukwiinga bakeshiba ayi Jesu wakalinga kwaamba mbabo mucikoshanyo ca balimi. Sombi bakaloonda bantu bakalingaawo.

Joni 19:11

Jesu lyalo wakakumbula ayi, “Nootakwe kupekwa nkusu kuswa kuli baTa, naakwiinga toocite nkusu pali ndime. Nakubi boobo uyo wakangaba kuli ndiwe ngoocite cibiibi cinene.”

Milimo ya Batumwi 23:12

Ndibwakaca, baJuda bamwi bakabungana pantu pomwi akupangana bwakucita Paulo. Bakalumbila pameenso akwe Lesa ayi teshi bakalye nabi kunwa cintu naciceyi kushikila bakamucaaye.

Milimo ya Batumwi 23:15

Ono mwebo abeshinkuta boonse, mutumye maswi akusenga mutanjilili munene wa bashilumamba bene Loma ayi alete Paulo kuno. Mumubece ayi mulisuni kunyumfwishisha ncaakacita. Swebo tulilibambite kumucaya kaatana kushika kokuno.”

Bene Loma 1:30

Mbampele, mbeshikusuula Lesa, mbeshimucobwe, mbeshikulisumpula akulinyumfwa. Lyoonse balayeeyabo nshila shimwi shakucitilamo shibiibi alimwi tabalemeki bashali babo.

Dutolonomi 28:32

Mbweekoobo bana banu basankwa abanakashi balaakupekwa busha kumushobo umwi. Mulaakusalala meenso kulangila bana banu bushiku abushiku, ono taaku nabi comwi nceshi mukacite.