Mika 1:7 - Baibo Busansulushi Bwa Libuku Ili

⁷ Shibumbwabumbwa sha njiyo shoonse shilaakupwayoolwa. Shipo shipekwa kuŋanda yakulambililaako shilaakutentwa amulilo, ee, ndaakunyonyoola shikoshanyo shoonse sha balesa ba njiyo. Ceebo cakwaamba ayi yakalinga kucana shipo kuswa mubufuule, balwani ba njiyo balaakushitola kubafuule ba mumaanda akulambililaamo kumisena imwi.”

Mika 1:7 ပူးပေါင်းရင်းမြစ်များ

2 Makani 31:1

Kusekelela ndikwakamana, bene Isilaeli boonse bakalingaako bakaya kumandabala oonse ene Juda mukumwayulula macinko asalalite akutimboola shikoshanyo shakwe Ashela lesa mwanakashi. Bakanyonyoola misena yoonse yakulambililaako ya patulundu ashipaililo sha mucishi ca Juda coonse, ca Benjameni, ca Efuleemu alimwi aca Manase. Lyalo boonse bakaboolela mwabo mwabo.

Isaya 2:18

Ncakwiila shibumbwabumbwa shoonse shilaakumaninina.

Isaya 23:17

Myaaka ili 70 iyo yaakwiinda, Mwaami Lesa ulaakulengesha bamundabala ya Taya kuboola mumakwebo akulukulu. Balaakunoosenga kwinjila ncito kumalelo amwi a mucishi.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Esekelo 6:6

Uko koonse bantu abo nkweshi bakanookala, mandabalaabo anene alaakunyonyoolwa. Misena yabo yakulambililaako ya patulundu ilaakupumununwa cakwaamba ayi shipaililo shabo shakubengelawo milambu shilaakunyonyoolwa. Ashalo shibumbwabumbwa shabo shilaakupwayoolwa pantu pomwi ashipaililo shabo shakutentelaawo tununkila kabotu. Lyalo shintu shoonse nshebakapanga shilaakushiminganishikwa

Osiya 2:12

Ndaakunyonyoola minyansa yabo ashisamu shabo sha nkuyu isho nshebakalinga kwaamba ayi ncilambu cabo kuswa kubasunikwi babo. Ndaakusandula myuunda yabo ya minyansa aya shisamu sha shisepo shimwi kuba luundu lushinkite alimwi banyama bamuluundu balaakwiinyonyoola.

Osiya 2:14

“Paceebo ceeco ndaakubatola muluyanga alimwi. Umo ndaakubanyengelela amaswi abotu a lusuno kwaamba ayi mbabooshe kumubili.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Osiya 8:5

Cibumbwabumbwa ca mucende mwaana ico cilambila bene Samaliya ndicipatite. Aboobo ndikalalite abuumbi pali mbabo. Anu citooba ciindi cilaamfu buyani bantu aba kabacilambila shibumbwabumbwa?

Osiya 8:6

Cibumbwabumbwa ico ngumwine Isilaeli wakacibumba. Aboobo teshi lesa, sobwe! Cibumbwabumbwa cine Samaliya ico cilaakupwayoolwa mutupanshapansha!

Jowelo 3:3

Bakalinga kuuma cisolo mukwaabana bantu bangu. Bakalinga kuulisha banike basankwa abalindu busha ayi balipile bafuule akuula waini.

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Dutolonomi 23:18

Anu taaku maali acanikwa munshila ya mushobo wooyo eenga aletwa muŋanda ya Mwaami Lesa ayi ngakucita kweelana akushomesha cakulumbila. Mulyeelete kwishiba ayi Mwaami Lesa, Lesa wanu ulipatite bafuule abo.

Dutolonomi 9:21

Ndakabwesa cintu ca bubi cilya ncemwakalinga mwapanga, ico cakalinga kuboneka anga ngumucende mwaana, akuciwaala mumulilo. Mpeeke ndakacipwayoola akucipela kuba busu. Lyalo ndakawaala busu ubo mukalonga ako kakalinga kukunka kuswa mukalundu.

Ciyubululo 18:3

Mukwiinga mishobo yoonse yakanwa waini ukali wa bufuule bwakwe. Bamaami boonse ba mucishi ca panshi bakoonaakwe kale, abalo beshimakwebo boonse ba mucishi ca panshi bakabila abuumbi ceebo ca lunkumbwa lwakwe lunene.”

Ciyubululo 18:9

Mpeeke bamaami boonse ba mucishi ca panshi, abo bakacitaakwe bufuule alunkumbwa lumwi loonse, balaakulila akuba abuumba bunene pakubona bwiishi bweshi bukanoosunta pakupya ndabala inene iyo.

1 Samwelo 5:4

Bushiku bwakaboolaawo macuunsacuunsa bakacanabo cawa alimwi kunembo lya Libokoshi lya Cipangano ca Mwaami Lesa. Ubo bushiku kucana mutwi amaansa a ncico oonse obilo kashipwaikiteeko alimwi kashilibo mumulyango. Kwakacaalabo cibilibili.