Mika 1:1 - Baibo Busansulushi Bwa Libuku Ili

¹ Paciindi ca bwaami bwakwe Jotamu, Aasi abwakwe Esekiya bamaami ba bene Juda. Mwaami Lesa wakaamba maswi aya kuli Mika uyo wakalinga kundabala ya Molesheti. Pabene Samaliya abene Jelusalemu, Mwaami Lesa wakayubulula shintu ishi mucili anga nciloto.

Mika 1:1 ပူးပေါင်းရင်းမြစ်များ

2 Baami 15:32

Mumwaaka wabili wa bwaami bwakwe Peka mwanaakwe Lemaliya mwaami wa bene Isilaeli, Jotamu mwanaakwe Usiya wakaba mwaami wa bene Juda.

2 Baami 15:5

Ono Mwaami Lesa wakalengesha Asaliya kuba abulwashi bwa manata ubo bwakakatila kushikila ndyaakafwa. Wakalinga kwikalabo muŋanda eenka. Jotamu mwanaakwe ngowakalinga kulama ŋanda ya bwaami akweendelesha bantu ba mucishi.

2 Baami 16:1

Mumwaaka walikumi amyaaka yosanwe ayobilo wa bwaami bwakwe Peka mwanaakwe Lemaliya mwaami wa bene Isilaeli, Aasi mwanaakwe Jotamu wakaba mwaami wa bene Juda.

2 Baami 18:1

Mumwaaka watatu wa bwaami bwakwe Osheya mwanaakwe Ela mwaami wa bene Isilaeli, Esekiya mwanaakwe Aasi wakaba mwaami wa bene Juda.

2 Makani 28:1

Aasi wakaba mwaami kaacite myaaka makumi obilo. Wakalela muJelusalemu kwamyaaka likumi amyaaka yosanwe awomwi. Taakwe kukonkela bwakacita Defedi mushali wakwe mukulukulu, sombi wakacita shitaluleme pameenso a Mwaami Lesa, Lesa wakwe.

2 Makani 29:1

Esekiya wakaba mwaami wa bene Juda kaacite myaaka makumi obilo amyaaka yosanwe. Wakalela muJelusalemu myaaka makumi obilo amyaaka yosanwe ayone. Esekiya wakalinga mwanaakwe Abija mwanaakwe Sekaliya mwanakashi.

Isaya 1:1

Mulibuku ili mulilembetwe makani aamba pacishi ca Juda alimwi andabala ya Jelusalemu kweelana aLesa mbwaakayubulwita Isaya mwanaakwe Amosi. Wakayubulwitwa mubulelo bwakwe Usiya, Jotamu, Aasi alimwi abwakwe Esekiya, bamaami ba cishi ca Juda.

Isaya 1:2

Mwaami Lesa wakaamba ayi, “Webo oliculu awebo ocishi ca panshi, amukutike munyumfwe nceentokwaamba. Bana bangu abo mbondakalela akukusha bangalookila.

Isaya 7:1

Ono Aasi mwanaakwe Jotamu, mwishikulu wakwe Usiya, ndyaakalinga mwaami wa bene Juda, Lesini mwaami wa bene Silya alimwi aPeka mwanaakwe Lemaliya, mwaami wa bene Isilaeli, bakaya mukulwana ndabala inene ya Jelusalemu. Sombi bakaalilwa kwiikoma.

Isaya 7:9

Cishi ca Isilaeli taciindiwo nkusu paSamaliya ndabala inene iindaawo ya ncico. Ayalo ndabala ya Samaliya tayiindiwo nkusu pamwaami Peka mwanaakwe Lemaliya. Ono na awebo ubule kuyuma mulushomo, ncakwiila teshi ukakomewo, sobwe.’ ”

Jelemiya 26:18

“Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Osiya 1:1

Aya ngamaswi Lesa ngaakayubulula kuli ndime neOsiya mwanaakwe Biili, mubwaami bwakwe Usiya, Jotamu, Aasi, Esekiya bamaami ba bene Juda alimwi amubwakwe Jeloboamu mwanaakwe Jeoyashi mwaami wa bene Isilaeli.

Osiya 4:15

“Nakubi kwaamba ayi bene Isilaeli tabashomeki kuli ndime, bene Juda balo batakaciti mulandu wa mushobo uyo. Tabeelete kuya mukulambilila kuGilugala nabi kuBeti Afeni alimwi tamweelete kushomesha cakulumbila uko ayi, ‘Kweelana ambocibete lushinisho ayi Mwaami Lesa ngumuumi!’

Osiya 8:14

Bene Isilaeli bakaluba Mulengi wabo akuliyakila maanda a bwaami. Abalo bene Juda bakayaka mandabala aanji acite malinga. Sombi ndaakutuma mulilo pamandabala abo anene uyo weshi ukanyonyoole shiyubilo shabo.”

Amosi 1:1

Aya ngomaswi akaamba Amosi mweembeshi wakaswa kundabala ya Tekowa. Myaaka yobilo citentanshi kacitana kucitika, Usiya kaali mwaami wa bene Juda alakwe Jeloboamu mwanaakwe Jeoyashi kaali mwaami wa bene Isilaeli, pabene Isilaeli Lesa wakayubulula makani aya kuli Amosi.

Amosi 6:1

Mapensho kuli ndimwe nomushiite kwakubula cakulisukama muSiyoni, alimwi amwebo nomushiite muluumuno paKalundu ka Samaliya, nobacinenenene ba mushobo unene wa bene Isilaeli, uko bantu nkobacicila mukusenga lucafwo.

Mika 1:5

Shoonse ishi shitoocitika ceebo cakubisha kwa bamulunyungu lwakwe Jakobo, nkokwaamba ayi shibiibi sha bene Isilaeli. Ino ngani wakalengesha bamulunyungu lwakwe Jakobo kubisha? Sa te nindabala inene ya Samaliya? Ino ngani wakalengesha bene Juda kulambila shibumbwabumbwa? Sa te nindabala inene ya Jelusalemu?

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.

Abakuku 1:1

Aya ngomaswi Mwaami Lesa ngaakayubulwita Abakuku mulaluki.

2 Pita 1:21

Mukwiinga balaluki bakulukulu tebakalinga kwaamba shakaswa mukuyanda kwabo beene, sombi bakalinga kutanjililwa aMushimu Usalashi ndibakalinga kwaamba maswi akwe Lesa.