Mateyo 8:4 - Baibo Busansulushi Bwa Libuku Ili

⁴ Kuswawaawo Jesu wakamwaambila ayi, “Nyumfwa, utalwiiti muntu nabi womwi pacikani ici. Sombi ululamebo kuya kumupailishi, ukalitondeshe kuli nguwe ayi waba kabotu. Koya upe cipo kweelana ambwakaamba Mose kwaamba ayi bantu bashome ayi waba kabotu.”

Mateyo 8:4 ပူးပေါင်းရင်းမြစ်များ

Isaya 42:21

Ceebo ca bululami bwakwe, Mwaami Lesa cakamukonda kulengesha milawo yakwe kusumpulwa akuba abulemu.

Bene Lefi 13:49

na citooboneka canyansabili nabi kufubela, ingayi nkubunda kuya ciindaawo. Aboobo cilyeelete kuboneshekwa kumupailishi.

Mateyo 10:18

Balaakumutola kubaleli abamaami ceebo ca liina lyangu, kwaamba ayi mukape bukamboni pameenso abo alimwi akubaswamashi bakunsengwe.

Mateyo 16:20

Kuswawaawo Jesu wakaambila bashikwiiya bakwe ayi batakaambili muntu nabi womwi ayi ngoUsalitwe wakwe Lesa.

Mateyo 17:9

Ndibakalinga kuseluka kuswa pakalundu, Jesu wakabaambila ayi, “Ishi nshemwabona mutakalwiiti muntu nabi womwi, kushikila MwanaaMuntu akabushikwe kuswa kubafu.”

Mateyo 3:15

Sombi Jesu wakamukumbula ayi, “Paciindi cino cita bweenka ubo. Na tucite boobo, nkokwaamba ayi tutoocita kuyanda kwakwe Lesa.” Mpeeke Joni alakwe wakasumina.

Mateyo 5:17

“Mutayeeyi ayi ndakesa mukumanisha Milawo yakwe Mose nabi kwiisha kwa balaluki bakulukulu. Nshikwe kwisa mukushimanisha, sombi kucita kweelana ashilembetwe.

Mateyo 6:1

“Amucenjele ayi mutaciti milimo yanu iluleme kubantu ayi bamuluumbe ceebo na mwacita boobo, teshi mukatambule cilambu kuswa kuli Ishiwanu uli kwiculu.

Mateyo 9:30

Mpomunyaawo bakatalika kubona. Lyalo Jesu wakabakonkomesha ayi, “Muteshibishi muntu nabi womwi cikani ici.”

Maako 13:9

“Sombi amwebo mulyeelete kucenjela. Mukwiinga bantu balaakumutola munkuta. Balaakumukwipila mushoonde sha baJuda. Mulaakwiimikana kunembo lya baleli ba shishi alimwi abamaami ceebo ca liina lyangu kwaamba ayi mupe bukamboni pameenso abo.

Maako 3:12

Jesu wakakonkomesha bashikaswa ayi batalwiiti nabi womwi ayi nguMwanaakwe Lesa.

Maako 5:43

Lyalo Jesu wakabakonkomesha ayi cikani ici citanyumfwiki kubantu bamwi. Mpeeke wakabaambila ayi mulindu bamupe cakulya.

Maako 6:11

Na mwashika mundabala imwi bantu bakaka kumutambula akunyumfwa makani anu, mukalipaampe lusuko kushimpanta pakuswa mundabala umo. Ici cilaakuba citondesho cakwaamba ayi balicite mulandu.”

Maako 7:36

Mpeeke Jesu wakalwiita bantu bakamuleta ayi, batalwiiti muntu nabi womwi pacikani ici. Nakubi kwaamba ayi Jesu wakabakonkomesha boobo, balo bakalinga kuyabo cilwiita bantu.

Maako 8:30

Mpeeke Jesu wakabaambila ayi, “Mutalwiiti muntu nabi womwi shapali ndime.”

Maako 9:9

Ono ndibakalinga kuseluka kuswa pakalundu, Jesu wakabaambila ayi, “Ishi nshemwabona mutakalwiiti muntu nabi womwi kushikila MwanaaMuntu akabuke kuswa kubafu.”

Luka 17:14

Jesu ndyaakababona wakabaambila ayi, “Kamuya kubapailishi bakamuboone ayi mwaba kabotu.” Lyalo ndibakalinga kuya bweenda munshila, bakaba kabotu.

Luka 21:13

Ici cilaakuba nceciindi ca kwaambilisha Makani Abotu pameenso abo.

Luka 4:41

Bashikaswa bakaswa mubantu baanji kaboolobesha ayi, “Ndiwe Mwanaakwe Lesa!” Sombi lakwe wakabakalalila akubakasha kwaamba mukwiinga balo bakalinga kumwishi ayi ngoUsalitwe wakwe Lesa.

Luka 5:14

Kuswawaawo Jesu wakamwaambila ayi, “Nyumfwa, utalwiiti muntu nabi womwi pacikani ici. Sombi ululamebo kuya kumupailishi, ukalitondeshe kuli nguwe ayi waba kabotu. Koya upe cipo kweelana abwakaamba Mose kwaamba ayi bantu bashome ayi waba kabotu.”

Luka 8:56

Bashali ba mwaana uyo bakakankamana. Kuswawaawo Jesu wakabakonkomesha ayi batakalwiiti muntu nabi womwi pacikani ici cacitika.

Luka 9:21

Mpomunyaawo Jesu wakakonkomesha bashikwiiya bakwe ayi batalwiiti muntu nabi womwi cikani ici.

Joni 5:41

“Nebo nshisuni kulumbaishikwa kubantu.

Joni 7:18

Muntu waambabo shaakwe ulisuni kulemekwa mwiine. Sombi uyo usuni kwaamba ayi uyo wakamutuma alemekwe, ngooshomeka alimwi taamu bubeshi muli nguwe.

Joni 8:50

Nebo nshitoolipa bulemu nemwiine, sombi nkwaali umpa bulemu uyo ngweshi akoomboloshe.