Mateyo 7:7 - Baibo Busansulushi Bwa Libuku Ili

⁷ “Amusenge mulaakupekwa, amulangoole mulaakucana alimwi mukonkoonshe mulaakucalwitwa.

Mateyo 7:7 ပူးပေါင်းရင်းမြစ်များ

Matalikilo 26:32

Pabushiku ubo basebenshi bakesa balwiita Isaki shamukalo ngobakakaba. Bakaamba ayi, “Twaacana maanshi.”

1 Baami 3:5

Bushiku ubo Mwaami Lesa wakaboneka kuli nguwe muciloto akumwiipusha ayi, “Nciinshi ncoosuni ayi nkupe?”

Kulumbaisha 10:17

Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.

Kulumbaisha 10:4

Bamucita shibi tababikiiko amaano kuMwaami Lesa ceebo cakulisumpula. Mukuyeeya kwabo balabona Mwaami Lesa ayi taacite ncito kuli mbabo.

Kulumbaisha 119:12

Amulumbaishikwe noBaami baLesa. Amunjiishe milasho yanu.

Kulumbaisha 27:8

Mwebo mwakaamba ayi, “Kamunambila.” Nebo ndakaamba ayi, “Ndanoomulambila noBaami baLesa,

Kulumbaisha 34:4

Ndakapaila kuMwaami Lesa, alakwe wakankumbula. Boowa boonse mbondakalinga kucite wakabumana.

Kulumbaisha 37:4

Kosangalala muMwaami Lesa, lakwe ulaakukupa nshoolila mumoyo.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 69:32

Baakubona bobulya abo balyatililwa, balaakusangalala. Abalo abo balambila Lesa, balaakuyuminishikwa.

Kulumbaisha 70:4

Sombi abo balambila ndimwe abasangalale akukondwa muli ndimwe. Boonse abo balila lupulusho lwanu kabaamba lyoonse ayi, “Mwaami Lesa ncakwiila ulicite nkusu shiindaawo.”

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Lwiimbo lwakwe Solomoni 3:2

Lyalo ndakayeeya kubuka kuya ceendaana mundabala. Ndakeendaana mumikwakwa amunshila shimwi shoonse kuya ciyandoola usunikwi wangu. Ndakamuyandoola, sombi nshikwe kumucana.

Isaya 30:19

Mwebo nobantu ba muSiyoni, ee, mwebo nomwikala muJelusalemu, teshi mukalilewo tubili sobwe. Mwaami Lesa ulaakumunyumfwila luse bushiku mbweshi mukamulilile ayi amucaafwe. Ncakwiila aakunyumfwabo kusenga kwanu, ulaakumukumbula.

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Amosi 5:4

Mwaami Lesa waamba kubene Isilaeli ayi, “Amunangoole, lyalo mulaakuba abuumi.

Mateyo 18:19

“Ntoomulwiita alimwi ayi na bobilo pakati kanu pacishi ca panshi basuminishanya pacintu ncebatoosenga, baTa bali kwiculu balaakubacitila.

Mateyo 21:22

Na mulashoma, mulaakutambula cili coonse nceshi mukasenge kuli Lesa kwiinda mumipailo.”

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Mateyo 7:11

Ono na mwebo, nobantu nobashishibi kamwishi kupa bana banu shintu shibotu, ino lakwe Ishiwanu wa kwiculu inga waalilwa buyani kupa baabo bamusenga?

Mateyo 7:8

Ceebo uyo woonse usenga ulapekwa, awooyo ulangoola ulacana alakwe ukonkoonsha ulacalwitwa.

Maako 11:24

Paceebo ceeco, ntoomulwiita calushinisho ayi, cintu cili coonse nceenga mwaseenga Lesa kwiinda mumipailo, kamushoma kwaamba ayi mwacitambula kale, lyalo mulaakucitambula cancinencine.

Luka 13:25

Mpomunyaawo mwine ŋanda ulaakunyamuka akucalaako kumulyango. Lyalo mulaakwiimikana akutalika kukonkoonsha akwaamba ayi, ‘Amutucalwiteeko nkambo!’ Sombi lakwe ulaakumukumbula ayi, ‘Nshishi ankomwaswita!’

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Joni 15:7

Na mwakalilila muli ndime aalo maswi angu akalilila muli ndimwe, inga mwaseenga cili coonse ncemusuni, mulaakupekwa.

Joni 4:10

Jesu wakakumbula ayi, “Newalinga kwishi cipo Lesa ncaapa akwishiba wooyo utookusenga maanshi, naakwiinga wamusenga maanshi apa buumi alakwe naakwiinga wakupa.”

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Loma 3:11

Taaku muntu unyumfwisha shiluleme, nabi uyandoola Lesa.

Bene Ebulu 11:6

Taaku muntu weenga wakondelesha Lesa kaatacite lushomo. Mukwiinga uyo woonse usuni kusena kuli Lesa ulyeelete kushoma ayi Lesa mpwaali alimwi ayi ulapa shilambu kubantu abo bamuyandoola.

Jemusi 5:15

Na bapaila calushomo, mulwashi ulaba kabotu. Mwaami wesu inga wamulengesha kuba kabotu alimwi shibiibi shoonse nshaakacita shilalekelelwa.

1 Joni 3:22

Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.