Mateyo 7:1 - Baibo Busansulushi Bwa Libuku Ili

¹ “Mutoomboloshi bamwi, kwaamba ayi amwebo Lesa atakamoomboloshi.

Mateyo 7:1 ပူးပေါင်းရင်းမြစ်များ

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Mateyo 7:5

Webo omuntu nowaamba nshootaciti, taanguna kusha cisamu cili muliinso lyako, ndyeshi ubone kabotu akukusha kapampaansha kali muliinso lya mubyo.

Luka 6:37

“Mutoomboloshi bamwi kwaamba ayi amwebo Lesa atakamoomboloshi. Mutapi muntu mulandu kwaamba ayi mutapekwi mulandu amwebo. Sombi amumulekelele, Lesa alakwe ulaakumulekelela.

Luka 6:41

“Ino inga wabona buyani kapampaansha kali muliinso lya mubyo akushiya cisamu cili muliinso lyako?

Joni 8:7

Lyalo ndibakatolelela kumwiipusha wakakotamuka akubaambila ayi, “Uyo woonse utakwe kubishaawo pakati kanu, ataangune kumuuma libwe.”

Jemusi 3:1

Nobamakwesu, baanji pakati kanu batanoolilila kuba bafundishi mukwiinga mulishi kwaamba ayi swebo sotwiisha, Lesa ulaakutoombolosha kwiinda bamwi.