Mateyo 5:9 - Baibo Busansulushi Bwa Libuku Ili

⁹ “Balicite coolwe abo baleta lunyumfwano, mukwiinga balaakwiitwa ayi mbana bakwe Lesa.

Mateyo 5:9 ပူးပေါင်းရင်းမြစ်များ

1 Makani 12:17

Defedi wakaya mukubakumanya akubaambila ayi, “Na mwesa muluumuno ayi muncaafwe, ingayi mwatambulwa kuno. Atusenkane! Sombi na mulipingite kungaba mumaansa a balwani bangu, nabi taaku cibiibi ncendakacita kuli ndimwe, Lesa wa bamashali besu bakulukulu utooshiba akumupa mulandu.”

Kulumbaisha 120:6

Ndekala ciindi cilaamfu pakati ka bantu bapatite luumuno.

Kulumbaisha 34:12

Uyo usuni kwikala buumi bubotu akukondwa munshiku sha buumi bwakwe,

Mateyo 5:45

kwaamba ayi mube baana ba Ishiwanu uli kwiculu.’ Ceebo lakwe lisuba lyakwe lilaswa, lumwi lulabala pabamucita shibi abali kabotu, akuloshesha mfula baluleme abataluleme boonse.

Mateyo 5:48

Anu mwebo mulyeelete kuba bantu basalalite, bweenka bubete Ishiwanu uli kwiculu.

Luka 20:36

Ceebo teshi bakafweewo balaakuba anga mbaanjelo. Balaakuba bana bakwe Lesa mukwiinga balaakubushikwa kuswa kubafu.

Luka 6:35

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Milimo ya Batumwi 7:26

Bushiku bwakaboolaawo, Mose wakacana bene Isilaeli bobilo kabalwana. Mpeeke wakeelesha kubalamwita. Wakabaambila ayi, ‘Mwebo namata, bana muli bamukowa, anu mutoolwaninanshi?’

Bene Loma 12:18

Na kacikonsheka mulyeelete kwikala muluumuno abantu boonse.

Bene Loma 8:14

Mukwiinga abo batanjililwa aMushimu wakwe Lesa, mbana bakwe Lesa.

Bene Loma 8:16

Mushimu wakwe Lesa wiine ulasuminishanya amyoyo yesu ayi tuli bana bakwe Lesa.

Bene Loma 8:19

Shintu shoonse Lesa nshaakalenga shitoolindila abuumbi kuyubululwa kwa bana bakwe.

1 Bene Kolinto 6:6

Sombi ncemucita ncakwaamba ayi, mushomi ulatola mushominyina kunkuta ya bantu bakunsengwe kwaamba ayi oomboloshekwe.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Filipi 4:2

Ntoosenga Yuwodia aSintiki kwaamba ayi banoonyumfwana mukwiinga mbamukowa muMwaami.

Bene Kolose 3:13

Amunyumfwilane nkumbu akulekelelana womwi awomwi. Na umwi wabishisha mubye, ulyeelete kumulekelela bweenka mbuli Mwaami mbwaakamulekelela.

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.