Mateyo 4:3 - Baibo Busansulushi Bwa Libuku Ili

³ Ono alakwe Mubiibi shikusunka wakesa akumwaambila ayi, “Na uli Mwanaakwe Lesa, ambila mabwe aya asanduke cakulya.”

Mateyo 4:3 ပူးပေါင်းရင်းမြစ်များ

Kulonga 16:3

kababaambila ayi, “Anu naakwiinga Mwaami Lesa wakatucailabo mucishi ca Ijipiti. Ceebo kwalo twakalinga kwikala akulya nyama alimwi ashakulya shimwi shoonse nshetwakalinga kusuni. Sombi mwebo mwatuleta momuno muluyanga ayi mutucaishe kunsala soonse.”

Mateyo 14:33

Lyalo bashikwiiya boonse bakalinga mubwaato bakamulambila akwaamba ayi, “Ncakwiila muli bana bakwe Lesa!”

Mateyo 16:16

Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Maako 1:1

Aya ngomatalikilo a Makani Abotu aamba pali Jesu Klistu, Mwanaakwe Lesa.

Maako 3:11

Bantu bakalinga kucite bashikaswa kulilabo na bamubona, bakalinga kuwa panshi muliimfwa lyakwe akoolobesha ayi, “Uli Mwanaakwe Lesa!”

Maako 5:7

Wakoolobesha aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndaseenga muliina lyakwe Lesa ayi utampenshi.”

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Luka 22:70

Lyalo boonse bakeepusha ayi, “Sa nkokwaamba ayi ndiwe Mwanaakwe Lesa?” Alakwe wakakumbula ayi, “Mwacaamba nobeene.”

Luka 4:3

Lyalo Mubiibi uyo wakamwaambila ayi, “Na uli Mwanaakwe Lesa, ambila libwe ili lisanduke cakulya.”

Luka 4:41

Bashikaswa bakaswa mubantu baanji kaboolobesha ayi, “Ndiwe Mwanaakwe Lesa!” Sombi lakwe wakabakalalila akubakasha kwaamba mukwiinga balo bakalinga kumwishi ayi ngoUsalitwe wakwe Lesa.

Luka 4:9

Kuswawaawo Mubiibi wakatola Jesu kuJelusalemu akumubika pakansunswa ka Ŋanda yakwe Lesa. Mpeeke wakaambila Jesu ayi, “Na uli Mwanaakwe Lesa liwaale panshi

Joni 1:34

Ono nebo nemwiine ndalibonena alimwi nceceeco ncendaambila cakutatonsha ayi, ‘Uyu nguMwanaakwe Lesa!’ ”

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Joni 9:35

Jesu wakanyumfwa ayi bamutanda mucoonde. Lyalo ndyaakamucana musankwa uyo wakamwiipusha ayi, “Sa ulashoma muMwanaaMuntu?”

Milimo ya Batumwi 9:20

Wakeendililabo kuya mushoonde sha baJuda akutalika kushimikila ayi Jesu nguMwanaakwe Lesa.

2 Bene Kolinto 1:19

Ceebo Jesu Klistu Mwanaakwe Lesa uyo Sailasi, Timoti anebo ngotwakashimikila pakati kanu, teshi “Ee” nabi ayi, “Sobwe” paciindi comwi, sombi lakwe lyoonse ngu “Ee” wakwe Lesa.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

1 Bene Tesalonika 3:5

Nceceeco ncendakatumina Timoti. Ndakaalilwa kulicata, aboobo ndakamutuma kwaamba ayi ese eshibe mbomwiimfwi mulushomo ceebo ndalinga kwaamba ayi cimwi ciindi Mubiibi wamusunka akulengesha mulimo ngotwakacita pakati kanu kubula mpindu.

Bene Ebulu 12:16

Mulyeelete kucenjela kwaamba ayi kutabi mufuule nabi womwi mulikoto lyanu, nabi muntu ucobola Lesa mbuli Esau, uyo wakoolisha bunene bwakwe ceebo ca cakulya ca linkanda lyomwibo.

Bene Ebulu 4:14

Anu atuyuminine akutolelela mulushomo ndotushimikila. Mukwiinga tulicite Mupailishi Munene wiindaawo, uyo wakenjila kwiculu kubete Lesa. Uyu nguJesu, Mwanaakwe Lesa.

Bene Ebulu 7:3

MuMalembo akwe Lesa taaku palembetwe shabaishi Melikisedeki, banyina nabi bamashali bakwe bakulukulu. Taaku ushi shakushalwa nabi kufwa kwakwe. Ulibo anga nguMwanaakwe Lesa mukwiinga ngumupailishibo lyoonse muyayaya.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’