Mateyo 3:9 - Baibo Busansulushi Bwa Libuku Ili

⁹ Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba bamulunyungu lwakwe Abulaamu.

Mateyo 3:9 ပူးပေါင်းရင်းမြစ်များ

Esekelo 33:24

“Webo omuntu, bantu bekala mumatongo mucishi ca bene Isilaeli batokwaamba ayi, ‘Abulaamu wakalingabo eenka, nakubi boobo cishi ici cakalinga caakwe coonse. Ono swebo tuli baanji aboobo bulya cishi ici ncesu.’

Maako 7:21

Ceebo mumyoyo ya bantu momuswa miyeeyo ibiibi, ya bufuule, bwiipi, bucayi,

Luka 12:17

Ndyaakabona boobo, wakatalika kuyeeya mumoyo ayi, ‘Ntoocita buyani butala nshicite mwakubika shakulya shangu shoonse ishi?’

Luka 16:24

Lyalo wakoolobesha ayi, ‘Ta Abulaamu, amunyumfwileeko nkumbu. Amutume Lasalo kwaamba ayi asumpebo munwe mumaanshi ese atontoshe mulaka wangu mukwiinga ndapya abuumbi mumulilo muno.’

Luka 19:40

Jesu wakakumbula ayi, “Ntoomulwiita ayi na aba boomune, mabwe atokoolobesha ngawo.”

Luka 3:8

Amucite ncito shibotu shitondesha ayi mwasanduka kuswa kushibiibi shanu. Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba baana ba mulunyungu lwakwe Abulaamu.

Luka 5:22

Lyalo Jesu wakeshiba ncibakalinga kuyeeya mumyoyo yabo wakabeepusha ayi, “Ino mutooyeeyelanshi shintu sha mushobo uyu mumyoyo yanu?

Luka 7:39

Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Joni 8:33

Balo bakaamba ayi, “Swebo tuli bana bakwe Abulaamu alimwi tatukwe kubaawo kale basha ba muntu uli woonse. Ino inga mwaamba buyani ayi tulaakwaangululwa?”

Joni 8:37

Ndishi kwaamba ayi muli bana bakwe Abulaamu. Nakubi boobo mutoopinga kuncaya mukwiinga maswi angu taanjili mumyoyo yanu.

Joni 8:53

wacita bwaamba maswi angu teshi akafwewo. Sa webo uli munene kwiinda ishiwesu Abulaamu nabi balaluki bakafwa? Anu utooyeeya ayi ndiwaani?”

Milimo ya Batumwi 13:26

“Mwebo nobamakwesu, nobamulunyungu lwakwe Abulaamu, alimwi abaswamashi bakunsengwe boonse balambila Lesa ndiswe twatuminwa makani aya alupulusho kuswa kuli Lesa!

Milimo ya Batumwi 15:14

Simoni waswa mukutusansulwita mbuli Lesa mbwaakabonesha lusuno kubaswamashi bakunsengwe akusala bantu pakati kabo ayi babe bantu bakwe.

Bene Loma 4:1

Ono twaambe buyani pali Abulaamu mushali wesu mukulukulu sobaJuda? Nciinshi cakacitika pacikani ici?