Mateyo 28:7 - Baibo Busansulushi Bwa Libuku Ili

⁷ Ono amufwambaane, mukalwiite bashikwiiya bakwe ayi, ‘Wabushikwa kuswa kubafu alimwi bulya watanjila kuya kuGalili, uko nkweshi mukamubonene!’ Mutalubiiko makani ngondamulwiita.”

Mateyo 28:7 ပူးပေါင်းရင်းမြစ်များ

Mateyo 26:32

Sombi na nkabushikwe kuswa kubafu, ndaakutanjila kuya kuGalili.”

Mateyo 28:10

Mpeeke Jesu wakabaambila ayi, “Mutaloondi! Kamuya mukalwiite bamakwesu ayi baye kuGalili uko nkweshi tuye tukakumanine.”

Joni 16:4

Sombi ndamulwiitila limwi shintu ishi ayi ciindi caakushikila mukeebaluke ayi ndakamulwiitaawo kale. “Kumatalikilo nshikwe kumulwiitila limwi makani aya ceebo ndakalingaanu.

1 Bene Kolinto 15:4

Ncakwiila kweelana aMalembo eenka ayo wakabikwa mucuumbwe akubushikwa pabushiku bwatatu.

Joni 14:29

Ono ndamulwiitila limwi kashitana kucitika kwaamba ayi shaakucitika mukashome.

Luka 24:34

kabaamba ayi, “Ncakwiila Mwaami wabuka kuswa kubafu! Walibonekesha kuli Simoni!”

Maako 16:13

Mpeeke bakaboolela kuya mukulwiita babyaabo. Sombi abalo tabakwe kubashoma.

Maako 16:10

Mpeeke alakwe Maliya wakanyamuka kuya mukulwiita baabo bakalinga kweenda aJesu, abo bakalinga kuungumene kabalila.

Maako 14:28

Sombi na nkabushikwe kuswa kubafu, ndaakutanjila kuya kuGalili.”

Mateyo 24:25

Amunyumfwishe mukwiinga nebo ndamulwiitilabo limwi shintu shoonse kashitana kucitika.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

1 Bene Kolinto 15:6

Kuswawaawo wakaboneka kubashomi beendilila myaanda yosanwe paciindi comwi. Baanji pakati kabo bacili boomi nakubi kwaamba ayi bamwi bakafwa.

Mateyo 28:8

Aboobo bakaswa cakufwambaana kucuumbwe. Bakaloonda, sombi alimwi kabasangalete. Bakacica kuya mukulwiita bashikwiiya bakwe.