Mateyo 28:4 - Baibo Busansulushi Bwa Libuku Ili

⁴ Beshikulindilila kucuumbwe bakaloonda abuumbi cakwaamba ayi bakafwa citu.

Mateyo 28:4 ပူးပေါင်းရင်းမြစ်များ

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

Danyelo 10:7

Nebo neDanyelo ndimebo neenka ndakabona cili anga nciloto ico. Bantu mbondakalingaabo taaku ncebakabonaawo, nakubi boobo bakaloonda abuumbi cakwaamba ayi bakacica kuya mukuyuba.

Milimo ya Batumwi 16:29

Lyalo shikulindilila uyo wakaambila umwi ayi amuletele lilampi. Mpeeke wakeendililabo kwinjila akuliwaala muliimfwa lyakwe Paulo aSailasi kaatutumabo.

Mateyo 28:11

Ono banakashi balya ndibakalinga kuya, bamwi bashilumamba bakalinga kulindilila kucuumbwe, bakaya mundabala inene mukulwiita bamatanjilili ba bapailishi shoonse shakacitika.

Kulumbaisha 48:6

Mpomunyaawo boowa bwakabacata akulisukama kunene. Ee, cakubabo anga ngumwanakashi ucite lifumo lyabuka.

Jobo 4:14

Lyalo boowa bwakancata, mpeeke ndakatutuma. Boowa ubo bwakalengesha mafuwa angu kutontola.

Mateyo 28:3

Wakalinga kuboneka anga nkubeka kwa mfula, ashalo shakufwala shakwe shakalinga kutubabo tuu.

Mateyo 28:5

Mpomunyaawo munjelo wakaambila banakashi balya ayi, “Mutaloondi! Ndishi kwaamba ayi mutoolangoola Jesu uyo ngobakapopa pamucilingano.