Mateyo 27:32 - Baibo Busansulushi Bwa Libuku Ili

³² Ndibakaswa bakakumanya musankwa wiitwa ayi Simoni wa kuSailini. Mpomunyaawo bashilumamba bakamukakatisha kunyamuna mucilingano wakwe Jesu.

Mateyo 27:32 ပူးပေါင်းရင်းမြစ်များ

1 Baami 21:10

Mubike basankwa beshishimfulunganya bobilo kwikala kabalangene anguwe kwaamba ayi bamubekeshe ayi wakashingana Mwaami Lesa alimwi amwaami wa cishi. Lyalo mumukusheewo akumutola kunsengwe lya ndabala mukumuuma mabwe akumucaya.”

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

Bene Lefi 4:12

akushitola pansengwe lya misumba kumusena usalalite kweelana amilawo uko nkobapukwita milota. Lyalo ulaakushitenta uko pamulilo wa nkuni.

Bene Lefi 4:21

Mpeeke ulaakukusha mucende uyo pansengwe lya misumba akumutenta bweenka mbwaatenta mucende ubengwa ayi ngumulambu wakulekelelwa shibiibi shakwe mwiine. Mulambu uyo ngwakukusha cibiibi ca bene Isilaeli boonse.

Bene Lefi 4:3

“Na ngumupailishi munene wabisha, akuleta mulandu pabantu, ulyeelete kuleta kuli ndime neMwaami Lesa mucende mwaana utacite kampenda kali koonse, alimwi akumubenga ayi ngumulambu wakulekelelwa shibiibi shakwe.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Mateyo 5:41

Na umwi muntu wakukakatisha kuyaakwe mushinso ulaampa mailo yomwi, anu yaakwe mushinso wa mamailo obilo.

Maako 15:21

Ndibakalinga kuya munshila, bashilumamba bakakumanya musankwa umwi wiitwa ayi Simoni wa kuSailini kaaswa mumishi. Mpeeke bashilumamba bakamukakatisha ayi anyamune mucilingano wakwe Jesu. (Simoni wakalinga ngoishi Alekisanda aLufasi.)

Luka 23:26

Ndibakalinga kutola Jesu mukumupopa, bakakumanya Simoni wa kuSailini kaaswa mumishi. Bakamucata akumunyamwisha mucilingano ayi anooyawo mwisule lyakwe Jesu.

Joni 19:17

Wakaswa mundabala ilya kaayumwite mucilingano wakwe kuya kumusena wiitwa ayi, “Cifuwa ca mutwi.” (MuciEbulu balaamba ayi, “Gologota.”)

Milimo ya Batumwi 11:20

Sombi bamwi basankwa bashomi ba kuSaipulasi akuSailini, bakaya kuAntyoki kabaya bushimikila Makani Abotu aamba paMwaami Jesu akubaswamashi bakunsengwe.

Milimo ya Batumwi 13:1

Mucoonde ca bashomi kuAntyoki, mwakalinga beshikushimikila abeshikwiisha aba: Banabasi aSimyoni wakalinga kwiitwa ayi muntu mushiya, Lusiyasi wa kuSailini, Manaeni uyo wakakulila pantu pomwi amwaami Elodi, kubikaawo aSaulo.

Milimo ya Batumwi 2:10

Bamwi balaswa kucishi ca Fuligiya akuPamfilya, kuIjipiti alimwi akumisena ili mucishi caLibya kufwaafwi aSailini. Swebo sobamwi tuli beensu tulaswa kuLoma,

Milimo ya Batumwi 6:9

Sombi bamwi bantu bakatalika kumupikisha. Aba bakalinga ba mulikoto lya coonde ca baJuda ca Basankwa Bakaangululwa (kweelana ambocakalinga kwiitwa), umo mwakalinga abaJuda ba kuSailini alimwi akuAlekisandiliya. Kwakalinga abamwi baJuda baswa kuSilisiya alimwi aEsha bakamupikisha.

Milimo ya Batumwi 7:58

Kuswawaawo bakamukwelela pansengwe lya ndabala inene akumuuma mabwe. Mpeeke bakamboni bakapa shakufwala shabo sha peculu kumusankwa wacanike wiitwa ayi Saulo ayi abalamineeko.