Mateyo 22:4 - Baibo Busansulushi Bwa Libuku Ili

⁴ Lyalo wakatuma basebenshi abamwi akubaambila ayi, ‘Muye mukaambile baabo boonse bakatambwa ayi ndabamba kale shakulya. Basune bangu aboombe beenite bacaikwa, aboobo shoonse shilibambitwe kale. Amwise kubwiinga.’

Mateyo 22:4 ပူးပေါင်းရင်းမြစ်များ

Milimo ya Batumwi 13:46

Sombi lakwe Paulo aBanabasi bakeendilishaawo kwaamba cakutaloonda ayi, “Twalinga kweelete kwaamba ayi tutaangune kushimikila ndimwe maswi akwe Lesa. Sombi mukwiinga mwaakaka nobeene akubonesha kwaamba ayi tamweelete buumi butamaani, tutoomushiya tuye kubaswamashi bakunsengwe.

Mateyo 21:36

Kuswawaawo wakatuma abamwi basebenshi baanji kwiinda bataanshi, sombi abalo bakabacita bweenka ubo.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Milimo ya Batumwi 1:8

Sombi mulaakutambula nkusu na Mushimu Usalashi ukese pali ndimwe. Lyalo mulaakuba bakamboni bangu muJelusalemu, muJudeya moonse alimwi amuSamaliya kushikila amucishi coonse ca panshi.”

Luka 14:17

Paciindi cakusekelela wakatuma musebenshi wakwe ayi akeete baabo boonse bakasengwa kubaako mukwiinga shintu shoonse shakalinga kubambitwe kale.

Mateyo 22:8

Lyalo wakaambila basebenshi bakwe ayi, ‘Shoonse shiyandika pabwiinga shabambwa kale. Sombi abo bakatambwa tebalinga kweelete kutambwa.

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Tushimpi 15:17

Ncibotu kulya nshima ya bucisa abantu bakusuni kwiinda kulya nshima anyama ya mafuta abantu bakupatite.

Mateyo 22:5

Sombi abo bakatambwa tabakwe kubikaako amaano. Umwi wakaya kumuunda wakwe, alakwe umwi wakaya mukuulisha shintu shakwe.