Mateyo 20:2 - Baibo Busansulushi Bwa Libuku Ili

² Ono ndibakasuminishanya abasebenshi ayi bafole lyaali lyomwi lyeelete pabushiku, wakabatuma mumuunda wakwe.

Mateyo 20:2 ပူးပေါင်းရင်းမြစ်များ

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

2 Makani 34:3

Mumwaaka wasanu ayotatwe wa bwaami bwakwe, lakwe kacilibo mwanike, wakatalika kulambila Lesa wakwe Defedi mushali wakwe mukulukulu. Lyalo mumwaaka walikumi ayobilo wa bwaami bwakwe, wakatalika kunyonyoola misena yakulambililaako ya patulundu, shikoshanyo shakwe Ashela lesa mwanakashi ashibumbwabumbwa shimwi shoonse mucishi ca Juda amundabala ya Jelusalemu.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Mateyo 18:28

“Sombi musebenshi uyo ndyaakaswa pansengwe, wakakumanya musebenshinyina ngwaakakweletesha maali aniinibo. Wakamucata, wamushina panshingo akumwaambila ayi, ‘Lipila maali ngowakakweleta!’

Mateyo 20:1

“Mukwiinga Bweene bwa kwiculu bulikoshenye amuntu wakafuma macuunsa, kuya mukwinjisha bantu beshikusebensa mumuunda wakwe wa minyansa.

Mateyo 20:13

“Lyalo wakakumbulawo womwi ayi, ‘Ndaba, nshikwe kukubishisha, sobwe. Sa tatukwe kusumininshanya palyaali lyomwi?

Mateyo 20:3

Paciindi ca 9 koloko, muntu uyu wakaya kumushika akucana bamwi bakalinga kushiitebo.

Mateyo 20:9

Mpeeke abo bakatalika linjila ŋombe kusebensa, bakafola lyaali lyomwi lyomwi.

Mateyo 22:19

Amumboneshe lyaali lya musonko!” Abalo bakamuletela lyaali lya kuLoma.

Mateyo 9:37

Mpeeke wakaambila bashikwiiya bakwe ayi, “Shakutebula shafula, sombi beshikutebula baceya.

Maako 12:15

Sombi Jesu wakeshiba ayi batokwiipushabo cakubeca. Lyabo wakabeepusha ayi, “Ino mutoonsunkilanshi? Amundetele lyaali ndiboone.”

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Luka 10:35

“Bushiku bwakaboolaawo mwine Samaliya uyo wakakusha maali a silifa obilo akupa shikubamba ŋanda ya beensu akwaamba ayi, ‘Mulame kabotu muntu uyu, pakuboola ndaakukulipila maali eshi akasotokeewo pasheesho nsheshi ukasebenseshe.’ ”

Luka 20:24

“Amuntondeshe lyaali. Ino mutwi aliina shiliiwo nsha baani?”

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

Ciyubululo 6:6

Pesule, ndakanyumfwa cakalinga kunyumfwika anga ndiswi, kuswa pakati pashilengwa shuumi shone isho lyakwaamba ayi, “Cipimo comwi ca witi cakalinga kuulwa maali ayo muntu ngweenga wasebensela pabushiku alimwi shipimo shotatwe sha maila shakalinga kuulwa bweenka ubo. Sombi mutanyonyooli mafuta alimwi awaini.”

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.

1 Samwelo 2:26

Mwanike Samwelo wakalinga kuya bukula akuya ciba muntu ukondelesha Mwaami Lesa abantu boonse.

1 Samwelo 3:1

Muciindi ico mwanike Samwelo ndyaakalinga kusebensela Mwaami Lesa mubutanjilili bakwe Eli, maswi aswa kuli Lesa alimwi shili anga nshiloto shakalinga nshice.

1 Samwelo 3:21

Mwaami Lesa wakatolelela kuliyubulula kuShilo uko nkwaakaboneka kuli Samwelo akwaambaakwe. Lyalo coonse cakalinga kwaamba Samwelo, bene Isilaeli bakalinga kunyumfwila.