Mateyo 2:8 - Baibo Busansulushi Bwa Libuku Ili

⁸ Lyalo wakabatuma kuBetileemu akubaambila ayi, “Kamuya mukamulangoolelangoole mwaana uyu, na mukamucaane mukese mukandwiite kwaamba ayi anebo nkayeeko mukumulambila.”

Mateyo 2:8 ပူးပေါင်းရင်းမြစ်များ

2 Samwelo 17:14

Mpomunyaawo Abusalomu abene Isilaeli bamwi boonse bakaamba ayi, “Muyeeyo wapa Ushayi mwine Aki weendaawo kubota pawakwe Ayitofelo.” Ono cakacitika boobo mukwiinga Mwaami Lesa wakalinga weelibalabo kunyonyonganya muyeeyo ubotu wakwe Ayitofelo kwaamba ayi alete libona pali Abusalomu.

1 Baami 19:2

Aboobo Jesebelo wakatuma nkombe kuli Elija ayi “Na ciilo paciindi ceenka cino nkabule kucita kuli ndiwe mbowakacita balaluki abo, balesa abakancaaye.”

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Malilo 3:37

Anu ngani weenga waamba makani akucitika acitika? Ee, ngani ukonsha kucita cintu ico Mwaami Lesa ncaatakwe kusuminisha?

Mateyo 2:1

Jesu wakashalilwa mundabala ya Betileemu mucishi ca Judeya, munshiku isho Elodi ndyaakalinga mwaami wa mucishi ico. Ndyaakashalwabo, bantu basongo bakaswa kwicwe bakashika muJelusalemu akwiipusha ayi,

Mateyo 2:7

Mpomunyaawo Elodi wakabunganya basankwa basongo abo cabushishi, akubeepusha ciindi nyenyeenshi ndiyakaboneka.

Mateyo 2:9

Ono ndibakanyumfwa maswi aya, bakanyamuka akunooya. Kucana ayalo nyenyeenshi ilya njebakabona kwicwe ilitanjilite panembo, kushikila yeemikana pamusena pakalinga mwaana.