Mateyo 2:4 - Baibo Busansulushi Bwa Libuku Ili

⁴ Mpomunyaawo wakabunganya boonse bamatanjilili ba bapailishi alimwi abafundishi ba Milawo akubeepusha nkwaakalinga kweelete kushalilwa Usalitwe wakwe Lesa.

Mateyo 2:4 ပူးပေါင်းရင်းမြစ်များ

2 Makani 34:13

mbobakalinga kuyumuna shintu shakuyakisha akunokweendelesha basebenshi bakalinga kucita milimo ipusenepusene. Bene Lefi bamwi bakalinga balembi, bamwi bakalinga beshikulindilila.

2 Makani 34:15

Lyalo wakaambila Shafani mulembi ayi, “Libuku lya Milawo ndalicana muno muŊanda yakwe Lesa.” Mpeeke wakalipa Shafani.

2 Makani 36:14

Kwiilika waawo, bamatanjilili boonse ba bapailishi abene Juda bakalinga kuya ciindaawo kutashomeka ceebo cakukonkela micito ilensha bunya ya mishobo imwi. Mukucita boobo, bakalengesha Ŋanda yakwe Lesa, iyo njaakasalasha muJelusalemu, kuba itasalalite kweelana aMilawo.

Esila 10:5

Mpeeke Esila wakanyamuka akulengesha bamatanjilili ba bapailishi, bene Lefi alimwi abene Isilaeli boonse kushomesha cakulumbila kucita shakaambwa. Lyalo bakalumbila.

Esila 7:6

Esila uyo wakaswa kuBabiloni alimwi wakalinga kwishi abuumbi Milawo yakwe Mose iyo Mwaami Lesa, Lesa wa bene Isilaeli njaakapa. Mwaami wa kuBabiloni wakamupa shoonse nshaakalinga kusenga mukwiinga Mwaami Lesa, Lesa wakwe wakalinga pali nguwe.

Neyemiya 12:7

Salu, Amoku, Ilikiya alimwi aJedaya. Aba mbo bakalinga bamatanjilili abamakwababo munshiku shakwe Jeshuwa.

Kulumbaisha 2:2

Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

Jelemiya 8:8

Ino inga mwaamba buyani ayi, ‘Tuli basongo mukwiinga tulicite milawo ya Mwaami Lesa?’ Nakubi boobo balembi babeshi balemba milawo iyo cakutashomeka.

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Mateyo 13:52

Lyalo Jesu wakabakumbula ayi, “Paceebo ceeco mufundishi woonse wa Milawo uyo wakeeya maswi a Bweene bwa kwiculu, uli anga ngumwine ŋanda, uyo ukusha shintu shipya ashikulukulu muŋanda yakusungilaamo shintu.”

Mateyo 2:3

Ndyaakanyumfwa makani aya, mwaami Elodi wakalisukama abuumbi pantu pomwi abantu boonse ba muJelusalemu.

Mateyo 2:5

Abalo bakamulwiita ayi, “NkuBetileemu mucishi ca Judeya. Kweelana ambwaakalemba mulaluki mukulukulu ayi,

Mateyo 21:15

Sombi bamatanjilili ba bapailishi abafundishi ba Milawo, ndibakabona shintu shikankamika ishi nshaakacita alimwi andibakanyumfwa banike bakalinga koolobesha muŊanda yakwe Lesa ayi, “Alumbaishikwe mwanaakwe Defedi!” bakakalala.

Mateyo 21:23

Mpomunyaawo Jesu wakenjila muŊanda yakwe Lesa, ono ndyaakalinga kwiisha, bamatanjilili ba bapailishi abamaloba ba baJuda bakaya mukumwiipusha ayi, “Ino ninkusunshi nshoocite shakucita shintu ishi? Wakakupa nkusu shakucita bobulya ngani?”

Mateyo 26:3

Lyalo bamatanjilili ba bapailishi abamaloba ba baJuda bakabungana mulubansa lwa mupailishi munene Kayafasi.

Mateyo 26:47

Jesu ndyaakalinga kucaamba, alakwe Judasi womwi wa bashikwiiya bakwe Jesu bali likumi abobilo wakashika. Wakesa abantu baanji baanji bakalinga kucite mipeeni ankooli. Bantu aba bakabatuma mbamatanjilili ba bapailishi alimwi abamaloba ba baJuda.

Mateyo 27:1

Ndibwakaca macuunsacuunsa, bamatanjilili ba bapailishi abamaloba ba baJuda bakapangana ayi bacaye Jesu.

Mateyo 7:29

ceebo wakeeisha ankusu, kuteelana abwakalinga kwiisha bafundishi ba Milawo.

Maako 8:31

Mpomunyaawo Jesu wakatalika kwiisha bashikwiiya bakwe ayi, “MwanaaMuntu ulyeelete kupenshekwa abuumbi alimwi bamaloba, bamatanjilili ba bapailishi alimwi abafundishi ba Milawo balaakumukaka akumucaya. Sombi pabushiku bwatatu, ulaakubuka kuswa kubafu.”

Luka 20:19

Bafundishi ba Milawo abamatanjilili ba bapailishi bakalinga kusuni kucata Jesu paciindi ceenka ico mukwiinga bakeshiba ayi Jesu wakalinga kwaamba mbabo mucikoshanyo ca balimi. Sombi bakaloonda bantu bakalingaawo.

Luka 23:10

Bamatanjilili ba bapailishi abafundishi ba Milawo bakasena pafwaafwi akutalika kubekesha Jesu shikani shiinji cankusu.

Joni 18:3

Aboobo Judasi wakashika kumusena uko kaali alikoto lya bashilumamba abeshikulindilila kuŊanda yakwe Lesa, abo bakatumwa abamatanjilili ba bapailishi alimwi abaFalisi. Bakalinga kuyumwite malampi ashimunimweenge ashakulwanisha.

Joni 3:10

Jesu wakamukumbula ayi, “Sa te webo uli mufundishi wa bene Isilaeli? Ino ono toocishi buyani cikani ici?

Joni 7:32

Mpomunyaawo baFalisi bakanyumfwa bantu kabaŋuŋuna makani aya pali Jesu. Lyalo baFalisi abamatanjilili ba bapailishi bakatuma beshikulindilila kuŊanda yakwe Lesa ayi bakacate Jesu.

Joni 8:3

Mpomunyaawo bafundishi ba Milawo abaFalisi bakenjisha mwanakashi ngobakacata kaacita bulale akumwiimika pakati kabo.

Milimo ya Batumwi 23:9

Lyalo ciyobeyobe cakakomena. Mpeeke bafundishi ba Milawo abo bakalinga kulubasu lwa baFalisi bakanyamuka akupikisha cankusu ayi, “Taaku cintu cibiibi nabi comwi ncetwacana mumuntu uyu! Mpashi ngumushimu nabi munjelo ngowakamulwiita shakwaamba.”

Milimo ya Batumwi 4:5

Bushiku bwakaboolaawo bamatanjilili ba baJuda, bamaloba alimwi abafundishi ba Milawo bakabungana muJelusalemu.

Milimo ya Batumwi 6:12

Mukucita boobo bakakalasha bantu, bamaloba ba baJuda alimwi abafundishi ba Milawo. Kuswawaawo, bakacata Sitifini akumutola kunkuta ya baJuda.