Mateyo 2:2 - Baibo Busansulushi Bwa Libuku Ili

² “Uli kuli mwaana washalwa uyo mwaami wa baJuda? Twabona nyenyeenshi yakwe kwicwe, aboobo twesa mukumulambila.”

Mateyo 2:2 ပူးပေါင်းရင်းမြစ်များ

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 45:11

Lyalo kubota kwako kulaakulengesha mwaami kukusuna. Ulyeelete kunoomupa bulemu ceebo bulya ngumwaami wako.

Isaya 60:3

Mishobo iinji ilaakukwelwa kwisa kumumuni wako, bamaami balaakwisa kucitubilishi ca kuca kwa bushiku bwako bupya.

Jelemiya 23:5

Mwaami Lesa waamba ayi, “Ciindi cilaakushika ndyeshi nkasale wamulunyungu lwakwe Defedi ululeme kuba mwaami. Mwaami uyo ulaakulela cabusongo akucita shintu shiluleme akoombolosha cakutanyengelela mucishi.

Jelemiya 30:9

Sombi balaakunoosebensela ndime neMwaami Lesa, Lesa wabo awamulunyungu lwakwe Defedi uyo ngweshi nkasale kuba mwaami wabo.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Shakubelenga 24:17

Ndamubona, sombi teshi onoono, ndamubona, sombi teshi pafwaafwi. Nyenyeenshi ilaakuswa mubamulunyungu lwakwe Jakobo, nkokwaamba ayi mwaami ulaakuswa mubene Isilaeli. Ulaakukoma bamatanjilili ba bene Moabu akunyonyoola bene Seti boonse cakumaninina.

Mateyo 2:3

Ndyaakanyumfwa makani aya, mwaami Elodi wakalisukama abuumbi pantu pomwi abantu boonse ba muJelusalemu.

Mateyo 21:5

“Ambila bantu bamundabala ya Siyoni ayi, ‘Amubone Mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.’ ”

Mateyo 27:11

Mpeeke Jesu bakamwiimika kunembo lya mweendeleshi wa kuLoma uyo wakamwiipusha ayi, “Sa ndiwe mwaami wa baJuda?” Jesu wakamukumbula ayi, “Mwacaamba nobeene.”

Luka 19:38

Bakaamba ayi, “Lesa aape coolwe kuMwaami uyo utoosa muliina lyakwe! Akube luumuno kwiculu abulemu kuli Lesa!”

Luka 2:11

Sunu mundabala yakwe Defedi mwashalwa Mupulushi wanu uyo ngoKlistu Mwaami.

Luka 23:3

Mpomunyaawo Pilato wakeepusha ayi, “Sa ndiwe Mwaami wa baJuda?” Jesu wakakumbula ayi, “Mwacaamba nobeene.”

Luka 23:38

Peculu lyakwe pakalinga kulembetwe ayi, “Uyu ngoMwaami wa baJuda.”

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Joni 12:13

Lyalo bakatema malala akumucinsha munshila, kabaya coolobesha ayi, “Alumbaishikwe Lesa! Aape coolwe kuli wooyo utoosa muliina lya Mwaami Lesa! Aape coolwe Mwaami wa Isilaeli!”

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

Joni 19:19

Pilato wakalemba cishibisho akucibika pamucilingano wakwe Jesu cakalinga kulembetwe ayi, “Jesu wa kuNasaleti, mwaami wa baJuda.”

Joni 20:28

Tomasi wakaambila Jesu ayi, “NoBaami bangu, nobaLesa bangu!”

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Joni 9:38

Mpomunyaawo wakaamba ayi, “Nkambo, ndashooma.” Mpeeke wakamulambila.

Bene Ebulu 1:6

Sombi Lesa ndyaakalinga kutuma Mwanaakwe wakwiiya mucishi ca panshi, wakaamba ayi, “Baanjelo bakwe Lesa boonse balyeelete kunoomulambila.”

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”