Mateyo 18:9 - Baibo Busansulushi Bwa Libuku Ili

⁹ Na liinso lyako lyakulengesha ayi ubishe, liloboleemo ulisoowe. Mukwiinga ncibotu kwaamba ayi ukenjile mubuumi butamaani aliinso lyomwi, kwiinda kwaamba ayi ukawaalwe mumulilo utamaani ameenso obilo.

Mateyo 18:9 ပူးပေါင်းရင်းမြစ်များ

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Mateyo 18:8

“Na lyaansa nabi mweendo wako wakulengesha ayi ubishe, utimbuleeko akuusowa. Mukwiinga ncibotu kwaamba ayi ukenjile mubuumi butamaani kootacite lyaansa nabi mweendo, kwiinda kwaamba ayi, ukawaalwe mumulilo utamaani amaansa obilo nabi myeendo yobilo.

Mateyo 19:17

Jesu wakakumbula ayi, “Ceebonshi utoonjiipusha paceeco cili kabotu? Kulibo Womwi uli kabotu. Na ulisuni kuba abuumi butamaani, kokonkela Milawo.”

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Mateyo 5:29

Ono na liinso lyako lyakululyo lyakulengesha ayi ubishe, ncibotu kulilobolaamo akulisowa. Mukwiinga ncibotu kusowekelwa cipansha ca mubili, kwiinda kwaamba ayi mubili woonse ukawaalwe mumulilo utamaani.

Maako 9:47

Na liinso lyako lyakulengesha ayi ubishe, liloboleemo. Mukwiinga ncibotu kwinjila muBweene bwakwe Lesa aliinso lyomwi, kwiinda kuya mukuwaalwa mumulilo utamaani ameenso obilo.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.