Mateyo 17:3 - Baibo Busansulushi Bwa Libuku Ili

³ Lyalo bashikwiiya botatwe balya bakabona Mose aElija kabaamba aJesu.

Mateyo 17:3 ပူးပေါင်းရင်းမြစ်များ

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Malaki 4:5

“Amubone, ndaakumutumina mulaluki Elija bushiku bunene buyoosha bwa Mwaami kabutana kushikila.

Mateyo 17:2

Mpomunyaawo mubili wakwe Jesu wakasanduka pameenso abo. Ciwa cakwe cakabala anga ndisuba ashalo shakufwala shakwe shakaboolabo tuu.

Mateyo 17:4

Ndyaakabona boobo, Pita wakaambila Jesu ayi, “Nkambo, cabota abuumbi kwaamba ayi tuli waano! Na kamusuni, ntooyaka nkunka shotatwe, imwi ibe yaanu, imwi yakwe Mose alimwi ayakwe Elija.”

Maako 9:4

Lyalo bashikwiiya abo bakabona Elija alimwi aMose kabaamba aJesu.

Luka 1:17

Joni ulaakuya kunembo lya Mwaami alimwi ulaakunoocite nkusu mbuli shakalinga kucite mulaluki mukulukulu Elija. Ulaakuleta lunyumfwano pakati ka baana abamaishiwabo alimwi. Ulaakusandula bantu batanyumfwi kwaamba ayi babe amiyeeyo mbuli ya baluleme. Ulaakubamba bantu bakwe Lesa ayi banoolibambite kumusebensela.”

Luka 16:16

“Milawo yakwe Mose amaswi akalemba balaluki bakulukulu akalinga kukonkelwa kushikila ciindi cakwe Joni Mubombeki. Kuswa paciindi ico Makani Abotu a Bweene bwakwe Lesa alashimikilwa, alimwi bantu baanji batokweelesha cankusu kwaamba ayi benjile muBweene ubo.

Luka 24:27

Mpeeke wakabasansulwita shoonse shakalembwa muMalembo akwe Lesa pali nguwe, kutalikila kuli Mose kushikila akubalaluki bamwi boonse.

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Luka 9:33

Ndibakalinga kukumbulukabo bantu bobilo abo, Pita wakaambila Jesu ayi, “Nkambo, cabota abuumbi kwaamba ayi tuli waano. Atuyake nkunka shotatwe, imwi ibe yaanu, imwi yakwe Mose alimwi ayakwe Elija.” (Pita taakalinga kwishi ncaakalinga kwaamba.)

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Dutolonomi 18:18

Ndaakubatumina mulaluki uli mbuli ndiwe kuswa mulikoto lyabo. Ndaakunoomulwiita shakwaamba, mpeeke ulaakunoobalwiita shoonse nsheshi nkanoomulwiita.

Dutolonomi 34:10

Kuswabo ceeco ciindi, takuna kubawo kale mulaluki mucishi ca Isilaeli uli anga nguMose, uyo Mwaami Lesa ngwaakalinga kubandikaakwe mulomo amulomo.