Matalikilo 9:3 - Baibo Busansulushi Bwa Libuku Ili

³ Ono inga mwashilya pantu pomwi ashabucisa. Ndamupa shoonse kwaamba ayi munoolya.

Matalikilo 9:3 ပူးပေါင်းရင်းမြစ်များ

Matalikilo 9:2

Banyama abayuni boonse alimwi answi shoonse shinanookala kashikuloonda. Shoonse shabikwa mumaansaako.

Bene Lefi 22:8

Teelete kulya nyama ya munyama wakalifwita nabi wakacaikwa kubanyama bamuluundu mukwiinga inga yamulengesha kutanoosalalite. Nebo ndime Mwaami Lesa.

Bene Loma 14:14

Kwiinda muMwaami Jesu, ndishi cakutatonsha ayi taaku cintu nabi comwi cibisha muntu ciine. Sombi na muntu ulashoma ayi ncibiibi, nkokwaamba ayi cilabica kuli nguwe kucicita.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Bene Loma 14:20

Ceebo cakwaamba ayi ulakonsha kulya shakulya shipusenepusene, utanyonyooli milimo yakwe Lesa. Shakulya shoonse inga shalikwa, sombi ncibiibi kulya cintu cilengesha mwine Klistu umwi kubisha.

Bene Loma 14:3

Muntu uyo ulya cili coonse atasebaanyi muntu ulyabo bucisa, alakwe ulyabo bucisa, ataboni wooyo ulya cili coonse ayi utoobisha mukwiinga Lesa wakamutambula.

1 Bene Kolinto 10:23

Bamwi balaamba ayi, “Shintu shoonse shilasuminishikwa.” Sombi teshi kwaamba ayi shintu shoonse nshibotu. “Shintu shoonse shilasuminishikwa,” sombi teshi shoonse shicafwa.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

Dutolonomi 12:15

“Sombi mulyaangulukite kucaya akulya banyama banu kuli koonse nkweenga kamushiite. Mulakonsha kulya kweelana abuunji bwabaabo Mwaami Lesa mbwaatoomupa. Tacicite mulandu, muntu usalalite kweelana aMilawo nabi utasalalite, woonse inga walya, bweenka mbuli mbomulya ya konse nabi ya nalufwi.

Bene Kolose 2:16

Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.