Matalikilo 7:23 - Baibo Busansulushi Bwa Libuku Ili

²³ Mwaami Lesa wakanyonyoola shoonse shakalinga kucite buumi pacishi ca panshi, nkokwaamba ayi bantu, banyama, abayuni. Bakacaalakobo nguNowa abaabo mbwaakalingaabo mubwaato.

Matalikilo 7:23 ပူးပေါင်းရင်းမြစ်များ

Matalikilo 6:17

Ndaakuleta muyoba pacishi ca panshi kwaamba ayi ukanyonyoole shintu shoonse shuumi. Shintu shoonse shiyoya sha pacishi ca panshi shilaakufwa.

Matalikilo 8:18

Aboobo Nowa wakaswa mubwaato amukaakwe alimwi abana bakwe basankwa abalo abamakaabo.

Jobo 5:19

Nabi mapensho ali buyani akupolela, Lesa ulaakukufuna kwaamba atakuciisi.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Kulumbaisha 91:7

Kulubasu lwako bantu bali cuulu inga bacaikwa, ee, bali shuulu likumi inga bafwa apo mpoobete, sombi webo teshi ukacisikweewo napaceyuubo.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

1 Pita 3:20

Mishimu iyi yakalinga ya baabo batakwe kunyumfwila Lesa kale kale, ndyaakalinga kulindila amoyonteeka ciindi ico Nowa ndyaakalinga kupanga bwaato. Mwakalingabo bantu baniinibo, bosanwe abotatwe bakapuluka kumaanshi.

2 Pita 2:5

Alimwi Lesa taakwe kulekabo bantu bakulukulu abo ndyaakaleta muyoba pabantu batakalinga kumunyumfwila. Sombi wakapulushabo Nowa, uyo wakalinga kushimikila shabululami, alimwi abamwi bali bosanwe abobilo.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

2 Pita 3:6

Alimwi kwiinda mumaanshi ngomunya, bantu ba mucishi ca panshi cikulukulu bakanyonyoolwa.