Matalikilo 6:8 - Baibo Busansulushi Bwa Libuku Ili

⁸ Nakubi boobo Mwaami Lesa wakalinga kukondetwe abuumbi pali Nowa.

Matalikilo 6:8 ပူးပေါင်းရင်းမြစ်များ

Matalikilo 19:19

Mwanyumfwila kale nkumbu alimwi mwapulusha buumi bwangu. Ono kutulundu kwalaampisha kucicilaako. Kunyonyoolwa uku kutooncanikisha akuncaya kaantana kushika kutulundu.

Kulumbaisha 145:20

Mwaami Lesa ulatabilila boonse abo bamusuni, sombi bamucita shibi boonse ulaakubanyonyoola.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Tushimpi 12:2

Mwaami Lesa ulanyumfwila nkumbu muntu kabotu, sombi ulashingana baabo bapanga miyeeyo ya bubi.

Tushimpi 3:4

Lyalo Lesa abantu balaakusangalala pali ndiwe alimwi ulaakuba ampuuwo ibotu.

Tushimpi 8:35

Aboobo uyo woonse ucana ndime, ulacana buumi, Mwaami Lesa alakwe ulaakumupa shoolwe.

Jelemiya 31:2

Ndaakufwita nkumbu bantu beshi bakapuluke munkondo muluyanga. Ndaakwisa mukupa kookesha kubene Isilaeli.”

Esekelo 14:14

Nabi bantu aba botatwe Nowa, Danyelo aJobo kabaliimo, inga balo bapulukabo beenka ceebo ca bululami bwabo. Nebo neMwaami Lesa Shinkusu shoonse ndaamba.

Mateyo 24:37

Kwisa kwa MwanaaMuntu kulaakuba bweenka mbuli mbocakalinga ciindi cakwe Nowa.

Luka 1:30

Mpomunyaawo munjelo wakamwaambila ayi, “Utaloondi Maliya, mukwiinga Lesa wakubeta luse.

Luka 17:26

Bweenka mbokwakalinga munshiku shakwe Nowa mbweshi kukabe amunshiku sha MwanaaMuntu.

Milimo ya Batumwi 7:46

uyo Lesa ngwaakasuna abuumbi muncito yakwe. Lyalo wakasenga Lesa ayi amusuminishe kumuyakila Ŋanda, lakwe uli ngoLesa wakwe Jakobo.

Bene Loma 11:6

Lesa ulasala bantu kwiinda munkumbu shakwe kuteshi ceebo ca milimo njebacita. Ceebo necatalinga boobo, naakwiinga nkumbu shakwe teshi nkumbu shancinencine.

Bene Loma 4:4

Muntu usebensa, ulafola maali ceebo ca mulimo ngwaacita. Sombi teshi kwaamba ayi ncipo mukwiinga wakaasebensela.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

Bene Galatiya 1:15

Sombi Lesa muluse lwakwe, wakansalilabo limwi kaantana kushalwa ayi nkamusebensele.

2 Timoti 1:18

Nkumbu shakwe Lesa shikabe anguwe pabushiku bwakoombolosha. Webo ulishi kale kabotu kufula kwa shintu nshaakancitila muEfeso.

Taitasi 2:11

Ceebo Lesa wakayubulula luse lwakwe ayi bantu boonse bapulushikwe.

Taitasi 3:7

Wakacita boobo ayi tululamikwe muluse lwakwe akwinjila mubuumi butamaani ubo mbotutoolangila.

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.

1 Pita 3:20

Mishimu iyi yakalinga ya baabo batakwe kunyumfwila Lesa kale kale, ndyaakalinga kulindila amoyonteeka ciindi ico Nowa ndyaakalinga kupanga bwaato. Mwakalingabo bantu baniinibo, bosanwe abotatwe bakapuluka kumaanshi.

2 Pita 2:5

Alimwi Lesa taakwe kulekabo bantu bakulukulu abo ndyaakaleta muyoba pabantu batakalinga kumunyumfwila. Sombi wakapulushabo Nowa, uyo wakalinga kushimikila shabululami, alimwi abamwi bali bosanwe abobilo.