Matalikilo 50:10 - Baibo Busansulushi Bwa Libuku Ili

¹⁰ Ndyebakashika palubansa lwakulupwitaawo paAtadi kwicwe lya Joodani, bakalilisha kwa ciindi cilaamfu, alimwi Josefu wakaba acililo kwanshiku shosanwe ashobilo uko.

Matalikilo 50:10 ပူးပေါင်းရင်းမြစ်များ

Matalikilo 27:41

Esau wakapata Jakobo ceebo baishi bakapa nguwe coolwe. Wakayeeya ayi, “Bata bali pafwaafwi kufwa, ono na cikeende cililo, Jakobo ndaakumucaya.”

Matalikilo 50:11

Bene Kenani ndibakabona bantu abo kabalila paAtadi, bakaamba ayi, “Ma wakomena mubala wakulila uyo bene Ijipiti ngobacite!” Nceceeco musena uyo ncewakatumbilwa ayi Abelo Misileemu.

Matalikilo 50:3

Nshila njibakacitilamo boobo yakatola nshiku makumi one. Ici nceciindi cakalinga kweelete kubamba mubili kukasha kubola. Bene Ijipiti bakamulila nshiku makumi osanwe aobilo.

Matalikilo 50:4

Ciindi ca kulila ndicakeenda Josefu wakaambila bacinenenene ba mwaami ayi, “Amunyumfwileeko nkumbu. Amuye mundwiitileeko mwaami Falawo ayi,

Matalikilo 50:9

Basankwa bamwi bakalinga mushikoci sha maaki alimwi abamwi pamaaki, abalo bakayaakwe. Lyakalinga likoto linene.

2 Samwelo 1:17

Mpeeke Defedi wakeemba lwiimbo ulu lwakulila Saulo aJonasani mwanaakwe,

2 Samwelo 11:26

Ono muka Uliya ndyaakanyumfwa ayi ibaye wakafwa, wakamulila.

1 Makani 10:12

basankwa boonse batacite boowa bakanyamuka akuya mukubwesa mubili wakwe Saulo amibili ya bana bakwe basankwa akwiitola kuJabeshi. Bakeebika uko munshaamubanga akulikasha kulya kwanshiku shili shosanwe ashobilo.

Jobo 2:13

Mpeeke bakekala panshi anguwe kwanshiku shosanwe ashobilo. Taaku nabi womwi wakalinga kubandika ceebo bakabona kukomena kwa mapensho ngaakalingaamo.

Shikushimikila 12:5

Ulaakunooloonda kutanta tulundu tulaamfu nabi kuya ceenda mumikwakwa. Ulaakuba amfwi mumutwi kukucembela alimwi cilaakuba ciyumu kweenda kuli ndiwe. Teshi ukanoociteewo nkusu shakucita cili coonse. Muntu ulaakuya kumusena wakwe wamuyayaya alimwi kulaakuba kulila mumikwakwa.

Shakubelenga 19:11

“Uyo woonse weenga wakumya mutuntu teshi akanoosalalite kweelana aMilawo kwanshiku shosanwe ashobilo.

Shakubelenga 20:29

Mpomunyaawo bene Isilaeli boonse bakanyumfwa ayi Aloni wafwa. Lyalo bakamulila kwanshiku shili makumi otatwe.

Milimo ya Batumwi 8:2

Basankwa bamwi bakalinga kushoma Lesa bakafukila Sitifini, akumulila abuumbi.

Dutolonomi 1:1

Mulibuku ili, muli makani Mose ngaakaambila bene Isilaeli ndyaakalinga muluyanga kwicwe lya Mulonga wa Joodani. Bakalinga mucinyika ca Joodani pafwaafwi aSufi, pakati ka ndabala ya Palani aya Tofelo, Labani, Asaloti alimwi aDisaabu.

Dutolonomi 34:8

Bene Isilaeli bakamulila kwanshiku shili makumi otatwe mushinyika sha Moabu.

1 Samwelo 31:13

Lyalo bakabwesa mafuwa akwaabika munshaacisamu cakalinga mundabala ya Jabeshi. Mpeeke bakalikasha kulya kwa nshiku shili shosanwe ashobilo.