Matalikilo 49:8 - Baibo Busansulushi Bwa Libuku Ili

⁸ “Juda, bamakwanu balaakukulumba, balwani bako ulaakubacata panshingo, alimwi bamakwanu balaakukukotamina.

Matalikilo 49:8 ပူးပေါင်းရင်းမြစ်များ

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Matalikilo 29:35

Lyalo wakamita alimwi, akutumbuka mwaana musankwa aumwi. Mpeeke wakaamba ayi, “Bulya ono ntoolumbaisha Mwaami Lesa.” Paceebo ceeco wakamutumba ayi Juda. Mpomunyaawo lushalo lwakamana akumana.

Matalikilo 42:6

Josefu, uyo wakalinga ngomweendeleshi wa cishi ca Ijipiti, ngowakalinga kuulisha shakulya kubantu bakalinga kuswa kushishi shimwi shoonse. Aboobo bamakwabo bakesa bafukama kuli nguwe cakushisha shiwa panshi.

Matalikilo 46:12

Juda abana bakwe basankwa beetwa ayi Shela, Pelisi alimwi Sela. Bana bakwe Juda basankwa bamwi beetwa ayi Ele aOnani bakafwita muKenani. Bana bakwe Pelisi basankwa nguEsiloni alimwi aAmulu.

2 Samwelo 22:41

Ndimwe mwakalengesha balwani kucica kuboowa. Ndakanyonyoola boonse bakalinga kumpatite.

2 Samwelo 24:9

Mpomunyaawo bakaluula mweelo wa basankwa boonse beelete kuya kunkondo. Mucishi ca Isilaeli bakalinga 800,000, mucishi ca Juda kamuli bali 500,000.

2 Samwelo 5:3

Mpeeke bamaloba boonse bene Isilaeli ndibakashika kuli Defedi kuEbuloni, Defedi wakapanga cipangano ambabo uko pameenso aMwaami Lesa. Lyalo bakamunanika mafuta ayi abe mwaami wa bene Isilaeli.

1 Makani 28:4

“Mwaami Lesa, Lesa wa bene Isilaeli, wakasala ndime abamulunyungu lwangu kwaamba ayi noolela cishi ca Isilaeli kwalyoonse. Wakasala bamukowa wakwe Juda ayi kababatanjilila. Lyalo mumukowa wakwe Juda wakasala bamuŋanda ya bata. Pabamuŋanda ya bata cakamukonda kubika ndime pabwaami bwa bene Isilaeli.

1 Makani 5:2

Nakubi kwaamba ayi mukowa wakwe Juda wakalinga wakaba ushinkusu kwiinda mikowa ya bamakwabo, nkusu sha bunenebantu shakapekwa kuli Josefu.

2 Makani 14:8

Mwaami Asa wakalinga kucite likoto lya bashilumamba bene Juda bali 300,000 abo bakalinga kucite mayawo anene amasumo. Wakalinga kucita alikoto lya bashilumamba bene Benjameni bali 280,000 abo bakalinga kucite mayawo amaata. Boonse aba bakalinga bashilumamba bacibwene kulwana.

2 Makani 15:9

Bantu baanji bakesa kuli Asa kuswa kuEfuleemu, Manase alimwi akuSimyoni akwikala mucishi cakwe mukwiinga bakabona ayi Mwaami Lesa uli anguwe. Asa wakabunganya bantu boonse bene Juda abene Benjameni.

2 Makani 17:2

Wakabika bashilumamba mumandabala oonse a bene Juda ayo akalinga kucite malinga, mandabala amwi a mucishi ca Juda alimwi amumandabala ayo Asa ngwaakakoma mucishi ca Efuleemu.

2 Makani 30:11

Nakubi boobo bamwi kuswa mumukowa wa bene Asha, bene Manase alimwi awa bene Sebuluni bakalibombya akusumina kuya kuJelusalemu.

Kulumbaisha 76:1

Lesa ulishibikitwe mucishi ca Juda, liina lyakwe lilalemekwa muIsilaeli.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Esekelo 21:29

Nakubi kwaamba ayi kuli shili anga nshiloto shabubeshi shimukumite ashisondo shabubeshi shapali ndimwe, mupeeni ulaakumana kwiinda bamucita shibi panshingo abo beshi bakacaikwe. Bushiku bwabo bwashikila, ciindi cabo cakupekwa mulandu wakweelaako cilibo muliimfwa.

Shakubelenga 10:14

Mushiindi shoonse ndibakalinga kulonga, makoto a mumukowa wakwe Juda akalinga kutaanguna kunyamuka akweendela pesule lya mbembela yabo. Mutanjilili wa bamumukowa uyu nguNashoni mwanaakwe Aminadabu.

Shakubelenga 26:20

Mumukowa wakwe Juda, ncipani cakwe Shela, Pelisi, Sela,

Shakubelenga 26:22

Shipani ishi shakalinga kucite basankwa bali 76,500.

Dutolonomi 33:7

Akwalo kumukowa wakwe Juda wakaamba ayi, “NoBaami baLesa, amunyumfwe kulila kwa mukowa wakwe Juda. Amubacatanye amikowa imwi alimwi. NoBaami baLesa amubape nkusu shakulifuna, mubacaafwe kukoma balwani babo.”

Bene Ebulu 10:13

Ono uko, ulalindilabo kushikila Lesa akaalule balwani bakwe kuba mpopakulyata myeendo yakwe.

Bene Ebulu 7:14

Cilishibikitwe ayi Mwaami wesu wakalinga wamulunyungu lwakwe Juda alimwi Mose taakwe kulwaambaawo lunyungu ulu ndyaakalinga kwaamba shabapailishi.

Joshuwa 10:24

Ndibakabatola kuli Joshuwa, wakeeta bene Isilaeli boonse akwaambila bamatanjilili ba bashilumamba abo mbwaakayaabo ayi, “Kamwisa kuno mulyate bamaami aba panshingo shabo.” Mpeeke bakesa babalyata.

Joshuwa 15:20

Ono ici ncishi cakapekwa mukowa wakwe Juda ayi ncinebo kweelana ashipani shabo.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 5:5

Mpeeke muloba umwi wakaŋambila ayi, “Utanoolila! Bona! Uyo wiitwa ayi Inkalamu ya mumukowa wakwe Juda, wamulunyungu lwakwe Defedi wakakoma, aboobo ulakonsha kulamatula bakalamatila bosanwe abobilo abo akucalula libuku ili.”

Boomboloshi 20:18

Mpomunyaawo bene Isilaeli bakanyamuka baya kuBetelo mukwiipusha Lesa ayi, “Ino mbaani pakati kesu beshi bataanguneko kulwana bene Benjameni?” Ono Mwaami Lesa wakabakumbula ayi, “Bene Juda mbweshi bataangune kuya.”