Matalikilo 49:11 - Baibo Busansulushi Bwa Libuku Ili

¹¹ Ulaanga mwanaambongolo kucisamu ca munyansa, munyansa ubotu abuumbi. Ulacapa shakufwala shakwe muwaini usalala, mumaanshi aminyansa asalala anga mbulowa.

Matalikilo 49:11 ပူးပေါင်းရင်းမြစ်များ

Matalikilo 49:12

Meenso akwe alasalala kwiinda mukunwa waini, alimwi meeno akwe alatuba kwiinda mukunwa mukupa.

1 Baami 4:20

Bene Juda abene Isilaeli bakafula anga ngumuseese wa kuloombe lwa lweenge. Bakalinga kulya akunwa, alimwi bakalinga kusangalete.

1 Baami 4:25

Bene Juda abene Isilaeli boonse kuswa kuDani kuya mukushika kuBiyasheba bakalinga kwikala muluumuno kwabuumi bwakwe boonsebo. Mukobo womwi awomwi wakalinga kucite minyansa yakwe ashisamu sha nkuyu.

2 Baami 18:32

Mulaakunoocita boobo kushikila mwaami wa bene Asilya akamukalike mucishi ico cili anga ncishi canu, uko kuli minyansa yakutyanako waini alimwi kuli ashili anga ngamaila akupangisha shinkwa. Ico ncishi ca maolifi, mafuta a olifi alimwi abuuci. Na mucite shoonse nsheshi akamulwiite, teshi mukafwe. Esekiya atamubeeci ayi Mwaami Lesa ulaakumupulusha.

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.

Amosi 9:13

Mwaami Lesa wakaamba alimwi ayi, “Nshiku shilaakushika, shikutebula ndyeshi akacanikwe kushikulima, alakwe shikushanga ndyeshi akacanikwe kushikutyana minyansa. Waini upya ulaakunoolokeela kuswa mutulundu akukunka kuswa mutulundu.

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.

Dutolonomi 32:14

Ŋombe ampongo shabo shakalinga kukamika abuumbi. Mbelele, mpongo aŋombe shabo shakalinga kwiinite. Mbelele shisankwa shakalinga shibotu anga nsha kuBashani, awalo witi alimwi awaini shakalinga kwiinditeewo kubota.

Dutolonomi 8:7

Mwaami Lesa, Lesa wanu utoomutola mucishi cicite bulongo bubotu, cishi cicite milonga atuntupu alimwi atulonga twa panshi uto tupulila mushinyika amunshaatulundu.

Dutolonomi 8:8

Ncishi cilimwa witi, bale, minyansa, nkuyu, mapomegilaneti, maolifi, alimwi momuswa buuci.

Ciyubululo 14:20

Minyansa iyo yakatyanwa momunya umo, pansengwe lya ndabala inene. Mpeeke mucilindi ico cakutyaninamo minyansa mwakaswa bulowa ubo bwakakunka makilomita ali 300 akuya panshi mpashi mamita ali 2.

Ciyubululo 19:18

Kamwisa mulye mituntu ya bamaami, bamatanjilili ba bashilumamba alimwi abashilumambabo, mituntu ya maaki abeshikutantaawo alimwi amituntu ya bantu boonse, basha abaangulukite, balemekwa alimwi abantubo!”

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

Ciyubululo 7:7

Kumukowa wakwe Simyoni, bakalinga 12,000. Kumukowa wakwe Lefi, bakalinga 12,000. Akwalo kumukowa wakwe Isaka, bakalinga 12,000.