Matalikilo 48:7 - Baibo Busansulushi Bwa Libuku Ili

⁷ Ici ntoocicita ceebo ca banyoko baLakelo. Ndakaba abuumba bunene abuumbi ndibakafwa muKenani, pafwaafwi aEfulati, ndindakalinga kuswa kuMesopotamya. Ndakababika kweenka kulya munshaanshila iya kuEfulati.” Efulati bulya iletwa ayi Betileemu.

Matalikilo 48:7 ပူးပေါင်းရင်းမြစ်များ

Matalikilo 25:20

Isaki wakalinga kucite myaaka ili 40 ndyaakeeba Labeka mwanaakwe Betiwelo uyo wakalinga mwine Alamiya kuswa kuMesopotamya, alimwi nankashi yakwe Labani.

Matalikilo 33:18

Pakuboolela kuswa kuMesopotamya wakashikabo kabotu pandabala inene ya Shekemu mucishi ca Kenani akuyaka misumba mumuunda wakalinga pafwaafwi andabala inene iyo.

Matalikilo 35:20

Jakobo wakabikaawo libwe lyakwiibalukilaawo apo. Ono abobulya licitondesha cuumbwe cakwe Lakelo.

Matalikilo 35:9

Jakobo ndyaakaboolela kuswa kuMesopotamya, Lesa wakaboneka alimwi kuli nguwe akumupa coolwe.

Matalikilo 48:6

Na ulicite abamwi baana basankwa teshi bakayeeyelwe kuba bana bangu. Buboni mbweshi bakapyane bulaakwiinda muli Efuleemu aManase.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mateyo 2:18

“Liswi lyanyumfwika muLama, kooloma kwa mibila. Lakelo utoolila bana bakwe, wakaka akuumushikwa mukwiinga bafwa.”

1 Samwelo 1:1

Kwakalinga musankwa wa mumukowa wakwe Efuleemu wakalinga kwiitwa ayi Elikana. Wakalinga kwikala mundabala ya Lama, mucishi ca tulundu ca Efuleemu. Elikana wakalinga mwanaakwe Jeloamu alimwi mwishikulu wakwe Eliyu mwanaakwe Towu mucipani cakwe Sufu.

1 Samwelo 10:2

Waswa kokuno sunu, utookumanya basankwa bobilo pafwaafwi acuumbwe cakwe Lakelo kuSelusa mucishi cakwe Benjameni. Basankwa abo batookulwiita ayi mbongolo nshemwakalinga kulangoola shacanika. Aboobo baiso bacileka kulisukama pambongolo, sombi balilisukemebo pali ndiwe. Balicitekobo kuliipusha ayi, ‘Anu ntoocita buyani pamwanaangu.’

1 Samwelo 16:4

Mpeeke Samwelo wakacita cakamulwiita Mwaami Lesa. Ndyaakashika kuBetileemu, bamaloba ba mundabala bakalinga kunootutumabo ndibakalinga kumukumanya. Bakalinga kwiipusha ayi, “Sa kuli cabica?”

1 Samwelo 17:12

Defedi wakalinga mwanaakwe Jese mwine Efulati mundabala ya Betileemu kucishi ca Juda. Jese wakalinga kucite baana basankwa bosanwe abotatwe, alimwi muciindi cakwe Saulo wakalinga kucembelete abuumbi.