Matalikilo 48:5 - Baibo Busansulushi Bwa Libuku Ili

⁵ Jakobo wakatolelela akwaamba ayi, “Josefu, bana bako basankwa bobilo mbowakashala kuno kuIjipiti kaantana kwisa, mbaangu. Efuleemu aManase balibo anga mbana bangu basankwa Lubeni aSimyoni.

Matalikilo 48:5 ပူးပေါင်းရင်းမြစ်များ

Matalikilo 46:20

MuIjipiti Josefu wakashala baana basankwa bobilo, Manase alimwi Efuleemu, muli Asenati mwanaakwe Potifela, mupailishi wa muEliopolisi.

Matalikilo 48:1

Kunembo Josefu wakalwiitwa ayi baishi mbalwashi. Mpeeke wakabwesa bana bakwe bobilo basankwa Manase aEfuleemu, akuya mukubona Jakobo.

Matalikilo 48:6

Na ulicite abamwi baana basankwa teshi bakayeeyelwe kuba bana bangu. Buboni mbweshi bakapyane bulaakwiinda muli Efuleemu aManase.

Kulumbaisha 77:16

Maanshi ndyaakamubona nobaLesa, maanshi ayo akaloonda. Ncakwiila maanshi alaamfu akatutuma.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Esekelo 16:8

“ ‘Ndindakeendilako lwabili, ndakakulanga akubona ayi wakomena cakweelela kweebwa. Lyalo ndakafungulula cisani cangu nkocibetele kweela akukufweka ayi utanokweenda matakosha. Ndakashomesha cakulumbila kuli ndiwe akupanga cipangano andiwe. Kuswawaawo wakaba waangu. Nebo neMwaami Lesa Shinkusu shoonse ndaamba.

Esekelo 47:13

Mpeeke Mwaami Lesa Shinkusu shoonse wakaamba ayi, “Nyinsa sha shipansha sha cishi isho nsheshi mukabaanye mikowa ili likumi ayobilo ya bene Isilaeli nsheeshi. Mukowa wakwe Josefu ulyeelete kupekwa shipansha shobilo.

Bene Lefi 20:26

Mwebo mulyeelete kuba bantu basalalite akubabo baangu neenka, ceebo ndime Mwaami Lesa alimwi ndisalalite. Ndakamupatula kuswa pakati ka mishobo imwi yoonse kwaamba ayi mubebo baangu neenka.

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

Shakubelenga 1:10

Efuleemu Elishama mwanaakwe Amiyudi Manase Gamalyelo mwanaakwe Pedasa

2 Bene Kolinto 6:18

Ndaakuba ishiwanu, amwebo mulaakuba bana bangu, basankwa abanakashi, Nebo neMwaami Lesa Shinkusu shoonse ndaamba.”

Bene Efeso 1:5

wakabambilabo limwi ayi tulaakuba bana bakwe kwiinda muli Jesu Klistu. Ici cakamukondelesha alimwi kwakalinga nkuyanda kwakwe.

Bene Ebulu 11:21

Ndushomo lwakalengesha ayi Jakobo, kaatana kufwa ape coolwe bana bakwe Josefu boonse. Mpeeke wakayaamina pankoli yakwe akulambila Lesa.

Joshuwa 13:7

Ono bulya, baanya mikowa iyi ili yosanwe ayone alimwi amusa wa mukowa wakwe Manase cishi ici ayi cibe cinebo.”

Joshuwa 14:4

Bamulunyungu lwakwe Josefu bakaba mikowa yobilo, nkokwaamba ayi wakwe Manase alimwi aEfuleemu. Bene Lefi tabakwe kupekwa cipansha ca cishi, sombibo mandabala anene akwikalaamo acite mafulo a shifubwa shabo.