Matalikilo 48:21 - Baibo Busansulushi Bwa Libuku Ili

²¹ Lyalo Jakobo wakaambila Josefu ayi, “Ndi pafwaafwi kufwa. Nacibi boobo Lesa unanooli awebo akukuboosha kucishi ca bamashali bako bakulukulu.

Matalikilo 48:21 ပူးပေါင်းရင်းမြစ်များ

Matalikilo 12:5

Abulamu wakanyamuka aSalai mukaakwe, Loti mwiicwa wakwe, abuboni boonse alimwi abasha boonse mbobakabaabo muAlani, akuya kucishi ca Kenani. Ndibakashika muKenani,

Matalikilo 15:14

Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.

Matalikilo 15:16

Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”

Matalikilo 26:3

Kala muno, alimwi ndanooli awebo akukupa coolwe. Ndaakupa cishi coonse ici kuli ndiwe abamulunyungu lwako. Ndaakucita kweelana ambondakalasha iso Abulaamu.

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

Matalikilo 37:1

Jakobo wakatolelela kwikala mucishi ca Kenani umo mwakalinga kwikala baishi.

Matalikilo 46:4

Ntooya awebo kuIjipiti, alimwi bamulunyungu lwako ndaakubaboosha kucishi cino. Josefu ulaakunooliiwo waakufwa.”

Matalikilo 47:29

Ciindi cakufwa ndicakashika pafwaafwi, wakatuma nkombe kuli Josefu mwanaakwe ayi ese. Mpeeke wakamwaambila ayi, “Bika maansa ako pakati ka mabelo angu, ushomeshe cakulumbila ayi teshi ukambike muIjipiti.

Matalikilo 50:24

Mpeeke wakaambila bamakwabo ayi, “Ndipafwaafwi kufwa, sombi Lesa ulaakumucafwa akumutanjilila kuswa momuno kuya kucishi ico ncaakalasha baAbulaamu, baIsaki alimwi abaJakobo cakulumbila.”

Matalikilo 50:6

Lyalo mwaami wakakumbula ayi, “Koya ukabike baiso kweelana ambowakashomesha ayi ulaakucita.”

Kulumbaisha 18:46

Mwaami Lesa ngumuumi! Aalumbaishikwe mwaandami wangu! Aasumpulwe Lesa, Mupulushi wangu!

Luka 2:29

“NoBaami, ncakwiila mwaciita mbuli mbomwakanshomesha nemusebenshi wanu. Ono amundeeke mfwe muluumuno.

Milimo ya Batumwi 13:36

Mukwiinga Defedi mubuumi bwakwe ndyaakamana kusebensela bantu kweelana akuyanda kwakwe Lesa, wakafwa akubikwa mucuumbwe kweenka kwakafukilwa bamashali bakwe bakulukulu. Mpeeke mubili wakwe wakabola.

Dutolonomi 30:3

lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.

Dutolonomi 31:8

Mwaami Lesa mwiine ngweshi anookutanjilila alimwi unanooli awebo. Teshi akakushiyeewo nabi kukusuula. Aboobo tooelete kuloonda nabi kutyongola.”

2 Timoti 4:6

Kwaamba pali ndime, ciindi cangu cashikila ayi mbengwe pacipaililo, nciindi cakushiya buumi buno.

Bene Ebulu 7:3

MuMalembo akwe Lesa taaku palembetwe shabaishi Melikisedeki, banyina nabi bamashali bakwe bakulukulu. Taaku ushi shakushalwa nabi kufwa kwakwe. Ulibo anga nguMwanaakwe Lesa mukwiinga ngumupailishibo lyoonse muyayaya.

Bene Ebulu 7:8

Ono kwaamba pamakani a bapailishi, bakalinga kupekwa calikumi mbantu bafwa. Sombi pali Melikisedeki, Malembo alaamba ayi ngumuntu muumi wakapekwa calikumi.

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Joshuwa 23:14

“Ono ciindi cangu cashikila cakwaamba ayi mboole kubulongo. Noonse mulishi amyoyo alimwi amyuuya yanu yoonse kwaamba ayi Mwaami Lesa wakamupa shintu shoonse nshaakamushomesha. Pashintu isho nshaakamushomesha taaku ncaalilwa kucita nabi comwi, shoonse wakashicita kweelana ambwaakamushomesha.

Joshuwa 3:7

Kuswawaawo Mwaami Lesa wakaambila Joshuwa ayi, “Pabushiku bwasunu ntootalika kukusumpula pameenso abene Isilaeli boonse, kwaamba ayi beshibe ayi ndi awebo bweenka mbondakalinga aMose.

2 Pita 1:14

Mukwiinga ndishi kwaamba ayi ciindi cakushiya mubili wangu uno cili pafwaafwi, kweelana abwakandwiita Mwaami wesu Jesu Klistu.