Matalikilo 48:16 - Baibo Busansulushi Bwa Libuku Ili

¹⁶ Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”

Matalikilo 48:16 ပူးပေါင်းရင်းမြစ်များ

Matalikilo 22:11

Sombi munjelo wa Mwaami Lesa wakamwiita kuswa kwiculu ayi, “Abulaamu, Abulaamu!” Alakwe wakakumbula ayi, “Nkambo.”

Matalikilo 22:15

Munjelo wa Mwaami Lesa wakeeta kuswa kwiculu alimwi akwaamba ayi,

Matalikilo 32:28

Mpomunyaawo musankwa uyo wakaamba ayi, “Liina ilyo sunu lyamana. Walwishanya aLesa alimwi abantu sombi wakooma. Paceebo ceeco liina lyako ono litooba Isilaeli.”

Matalikilo 46:3

Lyalo Lesa wakaamba ayi, “Ndime Lesa, Lesa wa baiso, utaloondi kuya kuIjipiti. Bamulunyungu lwako ndaakubalengesha kuba mishobo inene uko kweenka.

Matalikilo 48:5

Jakobo wakatolelela akwaamba ayi, “Josefu, bana bako basankwa bobilo mbowakashala kuno kuIjipiti kaantana kwisa, mbaangu. Efuleemu aManase balibo anga mbana bangu basankwa Lubeni aSimyoni.

Matalikilo 49:22

“Josefu uli anga ngumunyansa ucata shisepo abuumbi, ee munyansa uli kufwaafwi akantupu. Misampi ya nguwo ilatandabala kulubumbu.

2 Samwelo 4:9

Defedi wakakumbula Lekabu aBaana mukwabo, bana bakwe Limoni mwine Biyaloti ayi, “Bweenka mbocibete lushinisho ayi Mwaami Lesa ngumuumi, uyo wamfuna kuswa mumapensho oonse,

1 Baami 1:29

Mpeeke wakamwaambila ayi, “Ntookulwiita calushinisho pameenso akwe Mwaami muumi, uyo wamfuna mumapensho angu oonse

2 Makani 7:14

ono na bantu bangu beetwa muliina lyangu balibombya, bapaila, banambila akusanduka kuswa kushibiibi shabo, lyalo nebo ndaakubanyumfwa kwiculu, kulekelela shibiibi shabo akulengesha cishi cabo kubila alimwi.

Kulumbaisha 121:7

Mwaami Lesa ulaakukufuna kushintu shoonse shikonsha kukucisa. Ndushinisho ngweshi akalame buumi bwako.

Kulumbaisha 34:2

Nebo ndisangalete ceebo ca Mwaami Lesa. Bapengete abanyumfwe bakondwe.

Kulumbaisha 34:22

Ncakwiila Mwaami Lesa ulapulusha basebenshi bakwe. Taaku nabi womwi uyuba muli nguwe weshi akapekwe mulandu.

Kulumbaisha 34:7

Ee, munjelo wakwe ulatabilila bantu abo balemeka Mwaami Lesa, alakwe ulabafuna kushintu shiyoosha.

Kulumbaisha 34:8

Amweeleshe, mutoobona ayi Mwaami Lesa ngumubotu. Ulicite coolwe muntu uyuba muli nguwe.

Kulonga 1:7

Sombi bamulunyungu lwabo abo beetwa ayi bene Isilaeli bakashala baana baanji. Mpeeke bakafula abuumbi alimwi akuba ankusu, lyalo bakakumanabo cishi coonse.

Isaya 47:4

Usalalite wa bene Isilaeli ngoMupulushi wesu. Liina lyakwe nguMwaami Lesa Shinkusu shoonse.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 14:9

Mwabetanshi anga ngumuntu wapolomokelwabo cintu, nabi anga ngushilumamba wabula nkusu shakufuna? NoBaami baLesa muli pakati kesu alimwi tuli bantu banu. Mutatufutatili twamusenga.’ ”

Jelemiya 15:21

Ndaakukufuna kuswa munkusu sha bamucita shibi akukulubula kuswa mumaansa a beshilunkutwe. Nebo neMwaami Lesa ndaamba.”

Amosi 9:12

Munshila iyo bene Isilaeli balaakukoma baabo beshi bakacaaleewo pabene Edomu alimwi amishobo imwi yoonse yakalinga yangu. Nebo neMwaami Lesa ndaamba alimwi ici ndaakucicita cancinencine.”

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Joni 17:15

Nshintoopaila kwaamba ayi mubakusheemo mucishi cino, sobwe, sombi kwaamba ayi mubafuune kuswa kuMubiibi ulya.

Milimo ya Batumwi 15:17

Aboobo bantu bamwi boonse balaakulangoola nshila ya Mwaami Lesa, nkokwaamba ayi baswamashi bakunsengwe boonse abo mbondakasala ayi babe bantu bangu.

Bene Loma 8:23

Ono teeshibo shilengwa sheenka shipenga boobo, sobwe. Sombi aswebo sotucite aMushimu Usalashi uli ncecipo citaanshi ico Lesa ncaakatupa, tulapenshekwa abuumbi mumyoyo. Lyoonse tulalangila ayi Lesa akatutambule mbuli bana bakwe alimwi akupulusha mibili yesu.

1 Bene Kolinto 10:4

akunwa cakunwa comwi ca mushimu ceebo bakalinga kunwa maanshi akalinga kuswa mumwaandami wa mushimu ngobakalinga kweendaawo. Mwaandami uyo wakalinga nguKlistu.

1 Bene Kolinto 10:9

Tatweelete kusunka Mwaami Lesa bweenka bwakacita bamwi pakati kabo akucaikwa kunsoka.

Dutolonomi 28:10

Lyalo bantu boonse ba mucishi ca panshi balaakubona ayi Mwaami Lesa wakamusala ayi mube bantu bakwe cancinencine, paceebo ceeci balaakumuloonda.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”

2 Timoti 4:18

Mwaami Lesa ulaakumfuna kuswa kububi boonse akundama ayi nkenjile muBweene bwakwe bwa kwiculu. Kuli nguwe akube bulemu lyoonse alyoonse! Ameni.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Ebulu 11:21

Ndushomo lwakalengesha ayi Jakobo, kaatana kufwa ape coolwe bana bakwe Josefu boonse. Mpeeke wakayaamina pankoli yakwe akulambila Lesa.

Joshuwa 17:17

Sombi Joshuwa wakaambila bamulunyungu lwakwe Josefu aba, nkokwaamba ayi bene Efuleemu alimwi abene Manase ayi, “Ncakwiila muli baanji alimwi muli bayumu abuumbi. Teshi mubebo acipansha comwi ca cishi,