Matalikilo 47:23 - Baibo Busansulushi Bwa Libuku Ili

²³ Josefu wakaambila bantu ayi, “Mwaboona ndamuula amyuunda yanu yoonse kwaamba ayi mube bakwe Falawo. Ono mbuto njeeyi, mushange mumyuunda yanu.

Matalikilo 47:23 ပူးပေါင်းရင်းမြစ်များ

Matalikilo 41:27

Ŋombe shinyangite, makonkobo shili shosanwe ashobilo isho shakaswa pesule, amasanse aniininiini anyanite kumuuwo wa muluyanga, shilaamba myaaka yosanwe ayobilo ya nsala.

Matalikilo 45:6

Uno ngumwaaka wabilibo kuba munsala mucishi cino, sombi kucisa aimwi myaaka yosanwe yakutalima nabi kutebula.

Matalikilo 47:22

Myuunda njaatakwe kuulabo, njeeyo yakalinga ya bapailishi. Tebakalinga kweelete kuulisha myuunda yabo ceebo mwaami wakalinga kubapa pakucanina buumi.

Matalikilo 47:24

Pakutebula mulyeelete kupa mwaami cipansha comwi ca shosanwe. Shacaala inga mwakushaawo mbuto acakulya canu nobeene abamuŋanda yanu.”

Kulumbaisha 112:5

Shibotu shilaya kumubotu moyo ukongwesha cakutalangila mpindu. Ee, shilaya kumuntu uyo weensha milimo yakwe cabululami.

Kulumbaisha 41:1

Ulicite coolwe muntu uyo uyeeyela bakandu. Mwaami Lesa ulaakumufuna muciindi ca mapensho.

Tushimpi 11:26

Bantu balashingana muntu ukasha kuulisha shili anga ngamaila, sombi balalumbaisha muntu uyo ushuulisha.

Tushimpi 12:11

Mulimi ulima cankusu ulatebula shiinji, sombi abo basowa ciindi cabo kushintu shitacite ncito, mbaluya.

Tushimpi 13:23

Muunda wa mukandu ulakonsha kukusha shakulya shiinji, sombi baleendwa kumaano kubataluleme pashintu nshebalima.

Shikushimikila 11:6

Koshanga mbuto yako macuunsa, utanookalabo ciindi ca macolesha. Webo tooshi mbuto yeshi ikaswitilile. Inga yaba ya macuunsa nabi ya macolesha. Cimwi ciindi mbuto shoonse shobilo inga shaba kabotu.

Isaya 55:10

“Mfuula acaandwa shilaloka kuswa kwiculu. Ncakwiila tashibooli kwiculu kashitana kutontosha cishi ca panshi. Ee, kashitana kucilengesha kusapuka maluba akunefuma kwaamba ayi cikushe mbuto sha wooyo shikushanga akukusha cakulya ca wooyo shikulya.

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

2 Bene Kolinto 9:10

Lesa ngoopa mbuto muntu kwaamba ayi ashange alimwi ulapa acakulya. Aboobo ulaakumupa mbuto njemukonsha kushanga akukomenesha shishango shanu. Lyalo ceebo ca nkumbu shanu ulaakulengesha ayi mukatebule shiinji.