Matalikilo 45:7 - Baibo Busansulushi Bwa Libuku Ili

⁷ Lesa wakantanjisha kokuno kunembo lyanu ayi mupulushe munshila ikankamanisha iyi, alimwi ayi ncakwiila mwebo abamulunyungu lwanu mutafwi.

Matalikilo 45:7 ပူးပေါင်းရင်းမြစ်များ

Matalikilo 45:5

Ono mutakankamani akulipa mulandu nobeene ceebo cakungulisha kokuno. NguLesa mwiine wakantanjisha kuli ndimwe kwaamba ayi mpulushe bantu.

Matalikilo 47:12

Josefu wakapa shakulya baishi, bamakwabo, alimwi abamwi boonse bamuŋanda ya baishi kubikaako awooyo wakalinga mwanike paboonse.

Matalikilo 50:20

Cibiibi ncemwakanjeyela kuncita Lesa wakacaalula caba bubotu, kwaamba ayi bantu baanji bapuluke alimwi bacili boomi bulya kwiinda muceeco cakacitika.

1 Makani 11:14

Mpeeke lakwe abashilumamba bakwe bakeemikana pakati ka muunda uyo akulwana bene Filisiti. Mwaami Lesa wakamulengesha kukoma cikankamika.

Kulumbaisha 18:50

Ncakwiila Lesa ulalengesha mwaami wakwe kukoma. Lusuno lwakwe kumwaami uyo ngwaakasala talumaani. Ee, kuli ndime neDefedi abamulunyungu lwangu ndwamuyayaya.

Kulumbaisha 44:4

Mwebo muli Baami bangu alimwi ndimwe baLesa bangu, baLesa abo balengesha bamulunyungu lwakwe Jakobo kukoma.

Milimo ya Batumwi 7:35

“Uyu ngoMose ngubakakaka bene Isilaeli ndibakeepusha ayi, ‘Wakakusala ayi ube mutanjilili wesu alimwi ashikutoombolosha ngani?’ Ngowooyo Lesa ngwaakatuma ayi abe mutanjilili amupulushi, kwiinda mumunjelo uyo wakaboneka kuli nguwe mucikupu cakalinga kunyaka.

Boomboloshi 15:18

Mpeeke Samusoni wakanyumfwa nyotwa, aboobo wakalilila Mwaami Lesa ayi, “Mwakampa nkusu nebo nemusebenshi wanu shakukoma, ono sa mutooyanda kundekelesha ayi mfwe kunyotwa akucatwa kubene Filisiti abo batapalwitwe?”