Matalikilo 43:8 - Baibo Busansulushi Bwa Libuku Ili

⁸ Juda wakaambila baishi ayi, “Mwanike amumubike mumaansaangu, mpeeke tutoonyamuka tunooya bulya onoono. Lyalo taaku pakati kesu eshi akafwe kunsala.

Matalikilo 43:8 ပူးပေါင်းရင်းမြစ်များ

Matalikilo 42:2

Ntoonyumfwa ayi shili anga ngamaila shakulya nkoshili kuIjipiti. Kamuya mukooleeko kwaamba ayi tutafwi kunsala.”

Matalikilo 42:38

Sombi Jakobo wakaamba ayi, “Mwanaangu taakoonshi kuya awebo. Mukwabo ulifwite, ono ngowacaalabo eenka. Cimwi cintu inga cacitika munshila. Ndacembela, aboobo buumba mbweenga wandetela inga bwancaya.”

Matalikilo 44:20

Twakakumbula ayi, ‘Tulicite baishiwesu bacembele amwanike wesu musankwa ngobakashalila kubucembele. Mukwabo mwanike uyo ulifwite, aboobo ngowacaalawobo kuli banyina. Ono baishi balimusuni abuumbi.’

Matalikilo 44:26

mpeeke twakakumbula ayi, ‘Tatukoonshi kuya. Teshi tuye tusuminishikwe kushika muliimfwa lya banene abo citobo mwanike wesu tuyaakwe, aboobo teshi tuyeeko na mwanike wesu tubule kuyaakwe.’

Matalikilo 45:19

Anu baambile babwesele limwi ashikoci kuno kuIjipiti kwaamba ayi bamakaabo, bana babo alimwi abaishiwabo bakeendeleemo.

Matalikilo 50:21

Taaku ncemweelete kuloonda. Ndanoomulama pantu pomwi abana banu.” Mpeeke wakabakalika myoyo amaswi ankumbu ayo akabeensha misusu.

Matalikilo 50:8

Bamuŋanda yakwe, bamakwabo abaabo boonse bakacaala mumushi wa baishi, boonse bakaya aJosefu. Bakacaalabo muGosheni mbanike baniininiini, mpongo, mbelele alimwi aŋombe shabo.

2 Baami 7:13

Wacinenenene wakwe womwi wakaamba ayi, “Bantu bali mundabala inene ino balibo anga mbaabo bafwa kale. Ono amutumebo basankwa bamwi amaaki osanwe ayo acalaawo kwaamba ayi baye babone cacitika.”

2 Baami 7:4

Tacicafwi kwaamba ayi tuye mundabala inene iyi, tutooya tufwebo kunsala, alimwi na tunooshiitebo peenka pano, tutoofwa apalo. Anu katiyabo kumisumba ya bene Silya. Na baye batucaaye, ingayi katufwabo, sombi na batulekelele, ingayi twaba acoolwe.”

Esila 8:21

Ono kulya kuMulonga wa Aafa ndakapa mulawo wakwaamba ayi soonse tulikaashe kulya alimwi akuliceesha pameenso a Lesa wesu, kumusenga kututanjilila mulweendo lwesu alimwi akutufuna swebo abana besu pantu pomwi ashintu shesu shoonse.

Kulumbaisha 118:17

Ono kufwa sobwe, ndanoocili muumi, kushikila nkaambilishe Mwaami Lesa nshaakancitila.

Kulonga 20:12

“Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

Shakubelenga 14:31

Mwebo mwakaamba ayi bana banu balaakucatwa, sombi ndaakubaleta mucishi ico ncemwakakaka alimwi cilaakuba cinebo.

Dutolonomi 33:6

Ono kumukowa wakwe Lubeni, Mose wakaamba ayi, “Mukowa wakwe Lubeni unoociliiwo utaloobi nacibi kwaamba ayi bantu bakwe mbaniinibo.”